ఐ-ఫోన్ లో మీకు తెలియని ఫీచర్లెన్నో

Posted: 12/15/2014 02:55 PM IST

యాపిల్ ఐ-ఫోన్ ప్రపంచాన్నే తనలో నిక్షిప్తం చేసుకుంది. ఈ చిన్న పెట్టెలో ఉన్న అద్బుతాలు ఎన్నో. ఐ - ఫోన్ వాడేవారందరూ అందులోని ఫీచర్లు తెలుసు అనుకుంటారు. అయితే తెలియని చాలా ఫీచర్లు

 ఉన్నాయి. అవి మీకోసం అందిస్తున్నాం.

* ఐ-ఫోన్ లో ఉన్న ‘అన్ డూ’ ఫీచర్ వల్ల టైప్ చేసేటపుడు తప్పులను సవరించుకునే, చెరిపేసిన వాటిని వెనక్కి తెచ్చుకునే అవకాశం ఉంది.
* ఐ-ఫోన్ లోని వ్యాల్యూమ్ కంట్రోలర్ల ద్వారా కూడా సులభంగా ఫొటోలు తీసుకొవచ్చు.
* క్యాప్చర్ బటన్ ను నొక్కి పెట్టి ఉంచి వరుసగా ఫొటోలు తీసుకోవచ్చు. వాటిలో నచ్చిన వాటిని దాచుకుని మిగతావి తొలగించవచ్చు.
* ఐ-ఫోన్ వాయిస్ బాక్స్ లోకి మనం ఉచ్చరించే పదాలు తేడాగా పలికితే వాటిని మనకు అనుకూలంగా మార్చుకునే అవకాశం ఉంది.
* సందేశాలు పంపిన, పొందిన సమయాలు తెలుసుకోవాలంటే.., మెసేజ్ ను ఎడమకు జరిపితే సరిపోతుంది.
* ఐ-ఫోన్ లో ఉన్న లొకేటర్ ద్వారా .., మనకు కావాల్సిన ప్రదేశంలో, అవసరమైన టైంకు రిమైండర్ మోగేలా ఫీడ్ చేయవచ్చు.
* మెసేజ్ లో డబుల్ స్పేస్ చేస్తే అక్కడితో ఆటోమేటిక్ గా వాఖ్యం పూర్తవుతుంది.
* ఫోన్ చార్జింగ్ తక్కువగా ఉంటే.. ఫ్లైట్ మోడ్ లో చార్జింగ్ పెడితె రెండు రెట్లు ఎక్కువ వేగంతో చార్జ్ అవుతుంది.
* కాల్ లేదా మెసేజ్ వచ్చినపుడు రింగ్ టోన్, వైబ్రేషన్ కు బదులుగా ఫ్లాష్ లైట్ ను కూడా అలర్ట్ గా ఉపయోగించవచ్చు.
* ‘సిరి’ద్వారా మనం ఉన్న ప్రదేశంలో ప్రస్తుతం ప్రయాణిస్తున్న విమానాల వివరాలు క్షణాల్లో తెలుసుకోవచ్చు.
* ఫోన్ లోని ఎండ్ కీ, స్క్రీన్ పై ఉండే కీని ఒకేసారి నొక్కి పెట్టడం ద్వారా స్క్రాన్ షాట్ తీసుకోవచ్చు.

ఇలా అనేక ఫీచర్లు ఐ-ఫోన్ లో ఉన్నాయి. వీటిని ఉపయోగిస్తే ఫోన్ లో ఇన్ని అద్బుతాలు ఉన్నాయా అనుకోక మానరు.

కార్తిక్