తెలంగాణాలో త్వరలో మంత్రి వర్గ విస్తరణ..!!

Posted: 12/10/2014 05:07 PM IST

ఎందఱో నాయకులను ఊరిస్తూ వచ్చిన మంత్రి వర్గ విస్తరణ సమయం రానే వచ్చింది. కొన్ని కారణాల వల్ల వాయిదా పడుతూ వస్తున్న మంత్రివర్గ విస్తరణకు త్వరలోనే ముఖ్యమంత్రి శ్రీకారం చుడతారని టి.ఆర్.ఎస్ వర్గాల్లో చర్చ నడుస్తుంది. అలాగే చీఫ్‌విప్, విప్ పదవులను కూడా భర్తీ చేయాలనే యోచనలో ముఖ్యమంత్రి చంద్రశేఖరరావు ఉన్నట్లు ఆయన సన్నిహితులు చెబుతున్నారు. వీలైనంత త్వరలో కేబినెట్ విస్తరణ ఉంటుందని నేతలు ఆశిస్తున్నారు.

ఇప్పటినుండే ఆశావహులు ఖర్చిప్ వేయటానికి సిద్దమవుతున్నారు  ఈ సారి మంత్రి వర్గం లో ఆరుగురికి చోటు దక్కే అవకాశాలు ఉన్నాయి. వాళ్ళలో తుమ్మల నాగేశ్వరరావు(ఖమ్మం), కొండా సురేఖ(వరంగల్), ఎ.ఇంద్రకరణ్ రెడ్డి(ఆదిలాబాద్), జూపల్లి కృష్ణారావు(మహబూబ్‌నగర్), అజ్మీరా చందూలాల్(వరంగల్)కు మంత్రివర్గంలో బెర్త్‌లు ఖాయమని రాజకీయ వర్గాలు గుసగుసలాడుకుంటున్నాయి. కాగా, మంత్రివర్గ విస్తరణపై గంపెడాశలు పెట్టుకుని ఎదురుచూస్తున్న పార్టీ సీనియర్లు, మంత్రి పదవుల హామీ పొంది ఎన్నికల తర్వాత టీఆర్‌ఎస్‌లో చేరిన వారు తమ ప్రయత్నాలను తీవ్రం చేశారు. ఇదిలా ఉంటె పదవి ఆశించి పార్టీ కండువా మార్చిన వాళ్ళు కూడా ఆశావహుల్లో ఉన్నారు వాళ్ళ విషయాన్ని కెసిఆర్ ఏ విధంగా పరిష్కరిస్తారో మరి..!!

హరి