హైదరాబాద్’లో ఘనంగా ‘లింగ’ ఆడియో వేడుకలు

Posted: 12/08/2014 06:58 PM IST

సూపర్’స్టార్ రజనీకాంత్ నటించిన తాజా చిత్రం ‘లింగ’ ఆడియో వేడుకను హైదరాబాద్’లో ఘనంగా నిర్వహించారు. నిజానికి ఈ మూవీ ఆడియో వేడుకను తమిళంలో విడుదల చేసినప్పుడే తెలుగులో కూడా రిలీజ్ చేశారు. అయితే.. ప్రస్తుతం ఈ మూవీ విడుదల తేదీ దగ్గరపడుతున్న నేపథ్యంలో ఆ సినిమా ప్రమోషన్’లో భాగంగా మరోసారి తెలుగులో విడుదల కార్యక్రమాన్ని ఎంతో ఘనంగా నిర్వహించారు.

ఈ వేడుకలో రజనీ, దర్శకుడు కె.ఎస్.రవికుమార్, నిర్మాత రాక్’లైన్ వెంకటేశ్, అనుష్క, సోనాక్షీ, చిత్ర కెమెరామెన్ రత్నవేల్, ప్రముఖ దర్శకులు కె.విశ్వనాథ్, నిర్మాత అల్లుఅరవింద్, దర్శకుడు త్రివిక్రమ్ తదితర ప్రముఖులు పాల్గొన్నారు. ఈ ఆడియో వేడుకను సందర్శించడానికి రజనీ అభిమానులు ఎంతోమంది హాజరయ్యారు. చిత్రానికి సంబంధించి విషయాల గురించి ఆ మూవీ యూనిట్ బృందాలు తమ ప్రసంగాల ద్వారా వెల్లడించారు.

రజనీకాంత్ బర్త్’డే సందర్భంగా డిసెంబర్ 12వ తేదీన విడుదల కానున్న ఈ మూవీలో అనుష్క శెట్టి, సోనాక్షి సిన్హాలు హీరోయిన్లుగా నటిస్తున్నారు. భారీ బడ్జెట్’తో నిర్మించిన ఈ మూవీ హక్కుల్ని ఈరోస్ సంస్థ అప్పుడే దాదాపు 165 కోట్లకుపైగా వ్యయాన్ని చెల్లించి కొనుక్కుందని సమాచారం!

ఇక ఈ సినిమా విడుదల కోసం రజనీ అభిమానులు ఎంతగానో వెయిట్ చేస్తున్నారు. ‘కొచ్చాడయాన్’లాంటి మోషన్ పిక్చర్ సినిమా బాక్సాఫీస్ దగ్గర భారీగా బోల్తాపడిన నేపథ్యంలో ఈ లింగ మూవీపై భారీ అంచనాలు పెరిగాయి. విడుదలకు ముందే భారీ లాభాలను మూటగట్టుకున్న ఈ సినిమా.. రిలీజ్ అనంతరం బాక్సాఫీస్ దగ్గర సరికొత్త రికార్డులు బద్దలవ్వడం ఖాయమని దర్శకనిర్మాతలతోబాటు అభిమానులు ఆశిస్తున్నారు.

AS