లాడెన్ స్మారక చిహ్నంగా 514 మీటర్ల ఎత్తైన టవర్..

Posted: 12/03/2014 12:08 PM IST

అల్‌కాయిదా చీఫ్ ఒసామా బిన్‌ లాడెన్‌ కుటుంబ సభ్యులు లాడెన్ స్మారక చిహ్నంగా ఆఫ్రికాలో అత్యంత ఎత్తైన టవర్ నిర్మించనుంది. లాడెన్ కుటుంబసభ్యులకు చెందిన నిర్మాణ సంస్థ సౌదీ అల్ తుర్కీ హోల్డింగ్ గ్రూపు మొరాకో ఆర్థిక రాజధాని కాసాబ్లాంకాలోని ఆన్ఫా నగరం డౌట్ టౌన్ ప్రాంతంలో 514 మీటర్ల ఎత్తులో ఈ టవర్ నిర్మించ తలపెట్టనుంది. దీనికోసం 1.5 బిలియన్ అమెరికన్ డాలర్లు (సుమారు రూ. 6.1 వేల కోట్లు) వ్యయం చేయనుంది.

114 అంతస్థులతో నిర్మించనున్న ఈ టవర్ కోసం ఆధునాతన టెక్నాలజీ ఉపయోగించనున్నామని సౌదీ అల్ తుర్కీ హోల్డింగ్ గ్రూపు ఎగ్జిక్యూటివ్ డైరెక్టర్ ఒసామా ఈల్-హుస్సేనీ వెల్లడించారు. ఖురాన్ లోని 114 అద్యాయాలకు అనుగూణంగా తమ ఎత్తైన టవర్ లో 114 అంతస్థులు వుంటాయని వివరించారు. దక్షిణ కాసాబ్లాంకాలోని బౌస్కౌరా నగరంలో 250 హెక్టార్లలో మోడరన్ సిటీ నిర్మించనున్న ఆలోచనలో ఉన్నట్టు తెలిపారు. దక్షిణాసియాలో గల్స్ దేశాలు పెట్టబడులు తగ్గినట్లు ఆయన తెలిపారు. అయితే చర్చల ద్వారా మళ్లీ పెట్టుబడులు ఊపందుకోనున్నాయని ఆయన ధీమా వ్యక్తం చేశారు.

జి. మనోహర్