2జీ కేసు దర్యాప్తు అధికారిగా అరే దత్తా..

Posted: 11/22/2014 11:37 AM IST

Additional director rk dutta to head 2g probe ranjit sinha attends office as usual

2జీ స్పెక్ట్రమ్‌ కుంభకోణానికి సంబంధించిన సీబీఐ దర్యాప్తు నుంచి సీబీఐ చీఫ్ రంజిత్ సిన్హాను తప్పుకోవాల్సిందిగా దేశ సర్వోన్నత న్యాయస్థానం సుప్రీంకోర్టు అదేశించడంతో.. ఎవరు ఆ కేసును దర్యాప్తు చేస్తారా..? అన్న ఆసక్తికి తెర పడింది. రంజిత్ సిన్హా తరువాత అతని తదనంతర ఉన్నతాధికారికి కేసు దర్యాప్తును అప్పగించాలని సుప్రీంకోర్టు అదేశించడంతో.. ఈ కుంభకోణం కేసును ఇక నుంచి సీబీఐ అదనపు డైరెక్టర్‌ రూప్‌ కుమార్‌ దత్తా పర్యవేక్షించనున్నారు. ఈ మేరకు ఆయన బాధ్యతలు స్వీకరించారు. 1981 బ్యాచ్‌లో కర్ణాటక కేడర్‌కు చెందిన ఐపీఎస్‌ అధికారి అయిన దత్తా.. సీబీఐలో ఏసీబీకి పూర్తిస్థాయి ఇన్‌చార్జిగా ఉన్నారు. ఈ విభాగమే 2జీ కేసులను దర్యాప్తు చేస్తోంది.

కాగా, దర్యాప్తు బాధ్యతల నుంచి తప్పుకోవాలంటూ సుప్రీంకోర్టు సీబీఐ చీఫ్ రంజిత్ సిన్హాను ఆదేశించిన నేపథ్యంలో ఆయనపై ఎందుకు చర్యలు తీసుకోరాదంటూ షోకాజ్‌ నోటీసులు జారీ చేయాలని కేంద్ర ప్రభుత్వం యోచిస్తోంది. రంజిత్‌పై వచ్చినవి తీవ్రమైన ఆరోపణలని, ఆయనపై కూడా దర్యాప్తునకు ఆదేశించాలని భావిస్తోందని విశ్వసనీయ వర్గాలు తెలిపాయి. ఈ కుంభకోణం కేసులో నిందితులతో పాటు అప్పటి ప్రభుత్వ పెద్దలను, పాలకులను ఆయన కలశారని, ఈ తరుణంలో కేసులో అనేక మార్పులకు అవకాశం ఉండే అవకాశాలు వున్నాయిని తెలిపారు. కాగా సీబీఐ ఛీఫ్ గా మరో పదకోండు రోజుల్లో పదవీ విరమణ చేయనున్న రంజిత్ సిన్హా.. నిన్న రాత్రి కేంద్ర ఆర్థిక శాఖా మంత్రి అరుణ్ జైట్లీతో భేటీ కావడం కూడా చర్చనీయాంశంగా మారింది.

జి.మనోహర్