నల్లధనం వెనక్కి తేవటమే మా ఎజెండా

Posted: 11/15/2014 10:37 AM IST

Modi says bringing back black money top at agenda

నల్లధనంపై ప్రధాని నరేంద్రమోడి మరోసారి ఘాటుగా స్పందించారు. భారత్ ను నల్లధన రహిత దేశంగా చేయాలని కృషి చేస్తున్నట్లు చెప్పారు. జీ20 సదస్సులో పాల్గొనేందుకు ఆస్ర్టేలియా వెళ్లిన మోడి, బ్రిక్స్ దేశాల నేతలతో సమావేశం అయ్యారు. ఈ భేటి సందర్బంగా విదేశాల్లో ఉన్న నల్లధనంను వెనక్కి తెప్పిస్తామన్నారు. ఇది తమ ప్రభుత్వ ఎజెండాలో ప్రధాన అంశంగా స్పష్టం చేశారు. నల్లధనం దేశాభివృద్ధికి సవాల్ గా మారటంతో, ఈ విషయానికి చాలా ప్రాధాన్యత ఇస్తున్నామని చెప్పారు.

నల్లధనం విషయంలో ప్రభుత్వాలు, దేశాల మద్య సమన్వయం అవసరం ఉందని మోడి చెప్పారు. ఇతర దేశాలకు సంబంధించిన నల్లధన ఖాతాదారుల పేర్లు ఇవ్వలేనప్పుడు అవినీతి, అక్రమాలను అడ్డుకునే వీలు ఉండదన్నారు. బ్రిస్బేస్ లో జరిగే జీ20 దేశాల సదస్సులో ఇవాళ ప్రసంగించనున్న మోడి దేశం ఎదుర్కుంటన్న సవాళ్ళలో కూడా నల్లధనం అంశం ప్రస్తావించి ప్రపంచ దేశాల మద్దతు కోరతారని తెలుస్తోంది. అంతేకాకుండా ఆర్ధిక వృద్ధికి ఎదురవుతున్న సవాళ్ళను ప్రసంగంలో ప్రస్తావించే అవకాశం ఉంది.

కార్తిక్