ఫిక్సింగ్ లో శ్రీనివాసన్.. సుప్రీంకోర్టు ప్రకటన

Posted: 11/14/2014 03:23 PM IST

ప్రపంచ క్రికెట్ లో సంచలనం కల్గించిన ఐపీఎల్ స్పాట్ ఫిక్సింగ్ పై సుప్రీంకోర్టు చిట్టా విప్పుతోంది. ముద్గల్ కమిటి ధర్యాప్తు నివేదికపై శుక్రవారం జరిగిన విచారణ సందర్బంగా ఏడుగురి పేర్లను సుప్రీంకోర్టు ప్రకటించింది. నివేదిక వివరాల ప్రకారం.., గుర్నాథ్ మీయప్పన్, రాజ్ కుంద్రా స్పాట్ ఫిక్సింగ్ కు పాల్పడ్డారని కమిటి నిర్ధారించింది. అటు యువ క్రికెటర్ స్టువర్ట్ బిన్ని, ఐపీఎల్ లో పాల్గొన్న ఇంగ్లాండ్ క్రికెటర్ ఓవైస్ షా పాత్రపై అనుమానాలు వ్యక్తం చేసింది.

మొత్తం 13మంది పేర్లు ప్రకటించగా వీటిలో సుప్రీం కోర్టు శుక్రవారం ఏడుగురి పేర్లు ప్రకటించింది. మిగతా ముగ్గురు.., ఐసీసీ ప్రస్తుత చైర్మన్ శ్రీనివాసన్, ఐపీఎల్ సీఈఓ సుందర్ రామన్ తో పాటు చెన్నై సూపర్ కింగ్స్ జట్టుకు చెందిన శామ్యూల్ బద్రి పాత్రపై అనుమానాలు వ్యక్తం చేస్తూ నివేదిక ఇచ్చినట్లు సుప్రీం ధర్మాసనం వెల్లడించింది.

దేశ క్రికెట్ కే మాయని మచ్చగా నిలిచిన స్పాట్ ఫిక్సింగ్ కుంభకోణంపై విచారణ జరిపిన ముద్గల్ కమిటీ గత నెలలో నివేదిక ఇచ్చిన విషయం తెలిసిందే. తాజాగా గుర్నాథ్ పాత్ర నిర్ధరా కావటంతో పాటు.., శ్రీనివాసన్ ఇతర ప్రముఖులపై అనుమానాలు వ్యక్తం అయ్యాయి. ఈ నేపథ్యంలో ఫిక్సింగ్ లో పెద్ద తలకాయల పాత్ర ఉన్నట్లు స్పష్టం అవుతోంది.

కార్తిక్