కవిత నిజాం కూతురా...?

Posted: 11/14/2014 01:05 PM IST

Errabelli asks is kavtitha daughter of nizam

తెలంగాణ టీడీపీ నేత ఎర్రబెల్లి దయాకర్ రావు తెలంగాణ ప్రభుత్వంపై మరోసారి విరుచుకుపడ్దారు. ప్రభుత్వం అయినవారికి ఒకవిధంగా, అందరికి మరోవిధంగా వడ్డింపులు చేస్తోందన్నారు. ఆగస్టు 19న నిర్వహించిన సమగ్ర కుటుంబ సర్వేలో, కేసీఆర్ కూతురు రెండు సార్లు సర్వేలో పాల్గొందన్నారు. ఇదే విషయాన్ని ప్రశ్నిస్తే ప్రభుత్వం సమాధానం చెప్పటం లేదన్నారు. రెండు చోట్ల సర్వేల్లో పాల్గొనాల్సిన అవసరం ఏమిటని ఆయన నిలదీశారు. బాధ్యతాయుతమైన ఎంపీగా ఉండి ఇలా అక్రమాలకు తెరతీయటం ఏంటని ప్రశ్నించారు.

కేసీఆర్ కూతురు తప్పు చేస్తే ఎవరూ ప్రశ్నించకూడదా అన్నారు. అన్యాయాన్ని ప్రశ్నించిన తమను సభ నుంచి సస్పెండ్ చేయటం ఎంతవరకు న్యాయమో ప్రభుత్వం చెప్పాలని డిమాండ్ చేశారు. కవిత ఏమైనా నిజాం నవాబు కూతురా అని ప్రశ్నించారు. ఇలాంటి దారుణ ప్రభుత్వాన్ని తన రాజకీయ జీవితలో చూడలేదన్నారు. కేసీఆర్ హిట్లర్ కంటే దారుణంగా ప్రవర్తిస్తున్నాడు అని ఎర్రబెల్లి ద్వజమెత్తారు.

కార్తిక్