ప్రపంచ ఛాంపియన్లను చిత్తు చేసిన భారత్..

Posted: 11/09/2014 09:18 PM IST

ఇండియా హాకీ జట్టుకు మంచిరోజుల వస్తున్నాయి. ఆటపై పట్టుసాధిస్తే.. మంచి రోజులు వాటంతట అవే వస్తాయని ఇప్పుడు భారత హాకీ జట్టుకు అర్థమైనట్టు వుంది. భారత హామీ పురుషుల జట్టు.. ఏకంగా ప్రపంచ చాంపియన్ ఆస్ట్రేలియాను మట్టికరిపించి సిరీస్ ను కైవశం చేసుకుంది. ఇవాళ జరిగిన నాల్గో మ్యాచ్ లో భారత హాకీ ఆటగాళ్లు 3-1 తేడాతో విజయభేరి మోగించారు. అస్ట్రేలియాలో.. వారి సొంత గడ్డపైనే  వరుస మ్యాచ్ ల్లో ఆసీస్ ను మట్టికరిపించిన భారత్  సిరీస్ ను 3-1 తేడాతో చేజిక్కించుకుంది.
 
ఇవాళ్టి మ్యాచ్ లో అద్భుతం చేసిన హాకీ ఇండియా అదే ఆట తీరును కనబరిచి ఆస్ట్రేలియా ఆశలకు చెక్ పెట్టింది. ఈ మ్యాచ్ లో గెలిచి సిరీస్ ను సమం చేయాలని భావించిన ఆస్ట్రేలియాకు  చుక్కెదురైంది.  ఏ దశలోనూ అవకాశం ఇవ్వని హాకీ ఇండియా ఆటగాళ్లు తన సత్తాను మరోసారి రుచి చూపించి టైటిల్ ను ఎగురేసుకుపోయారు. ఆసియా క్రీడల్లో స్వర్ణం సాధించిన అనంతరం మంచి ఊపుమీద ఉన్న భారత జట్టు తన విజయ యాత్రను కొనసాగిస్తోంది. అల్ ది బెస్ట్ టు ఇండియన్ హాకీ టీమ్..

జి.మనోహర్