2106 నాటికి పక్షి ఆకారంలో యాప్ కంట్రోల్డ్ ద్రోణులు

Posted: 11/08/2014 05:22 PM IST

సడన్ గ చూసీ ఏదో పక్షి ఎగురుతుందనుకుంటాం.. అయితే.. ఇది మరపక్షి. పేరు బయోనిక్ బర్డ్. స్మార్ట్‌ఫోన్ అప్లికేషన్ ఆధారంగా పనిచేస్తుంది. బ్లూటూత్ ద్వారా దీనికి ఆదేశాలు పంపవచ్చు. ఒక్కసారి 12 నిమిషాల పాటు చార్జ్ చేస్తే..ఏకంగా పది నిమిషాలపాటు ఎగురుతుంది. ఫ్రాన్స్‌కు చెందిన ఎడ్విన్ దీని రూపకర్త. ప్రస్తుతం ఇది ప్రాథమిక దశలో ఉంది. సాధారణ పక్షుల మాదిరిగానే ఇది ఎగురుతుండడంతో ప్రస్తుతానికి ఇది పిల్లలను ఆనంద పర్చే బొమ్మగానే అందుబాటులోకి రానుంది. భవిష్యత్ లో మాత్రం దీనిని మరింత ఆధునీకరిస్తామని రూపకర్తలు చెబుతున్నారు. గుడ్డు ఆకారంలో వున్నదే దీని చార్జర్.. దీని ఆధునీకరణకు అధికంగా ఖర్చు అవుతున్న నేపథ్యంలో క్రౌడ్ ఫండింగ్ వెబ్‌సైట్ ‘ఇండీగోగో’ ద్వారా దీని ఉత్పత్తి కోసం నిధులను సేకరిస్తున్నారు. గతంలో 25 వేల డాలర్లను సమీకరించిన వైబ్ సైట్ ప్రస్తుతం 65 వేల డాలర్లను పోగు చేసినట్లు సమాచారం.
 
మనకు 100 మీటర్ల పరిధిలో తిరిగే ఈ బయోనిక్ బర్డ్ బరువు కేవలం 9 గ్రాములు. ఈ యాప్ తాలూకు ఆండ్రాయిడ్ వెర్షన్ వచ్చే ఏడాది ఫిబ్రవరిలో వస్తుంది. భవిష్యత్తులో దీన్ని మరింత మెరుగుపరిచేందుకు యత్నిస్తున్నారు. తర్వాతి దశల్లో హెచ్‌డీ వీడియో రికార్డింగ్ చేసేందుకు వీలుగా ఇందులో కెమెరాలను అమర్చనున్నారు. అంతేకాదు.. చేతి సంజ్ఞల ఆధారంగా పనిచేసేలా దీన్ని మార్చడంతోపాటు బయోనిక్ బర్డ్ ఎగిరే పరిధినీ విస్తరించనున్నారు. ప్రస్తుతం దీని ధర 120 డాలర్లుగా వున్నా త్వరలోనే అందరికీ అందుభాటు ధరలోనే విక్రయించేందుకు ప్లాన్ చేస్తున్నారు. ఒక విధంగా చెప్పాలంటే ఇది మీ చేతిలో రహస్య పక్షిలా పనిచేస్తుంది. ఇక జాగ్రత్త సుమా.. రానున్న రోజుల్లో మీ ఇంట్లోకి ఇవి ప్రవేశించే అవకాశాలున్నాయి.

జి మనోహర్