కాబోయే కేంద్రమంత్రులు బండారు, సుజనాలకు ప్రధాని ఫోన్..

Posted: 11/08/2014 01:50 PM IST

ఆదివారం మధ్యాహ్నం జరగబోయే కేంద్ర మంత్రివర్గ విస్తరణలో రెండు తెలుగు రాష్ట్రాల నుంచి మరో ఇద్దరు నేతలకు అవకాశం దక్కనుంది. ఆంధ్రప్రదేశ్, తెలంగాణ రాష్ట్రానికి చెందిన ఇద్దరు ఎంపీలకు కేంద్ర మంత్రివర్గంలో చోటు దక్కనుంది. బీజేపి పార్లమెంటు సభ్యుడు, కేంద్ర మాజీ మంత్రి సికింద్రాబాద్ నుంచి ఎంపీగా ఎన్నికైన బండారు దత్తత్రేయను మరోమారు కేంద్రమంత్రిగా అవకాశం వచ్చింది. బండారు దత్తాత్రేయకు మంత్రి వర్గంలో స్థానం కల్పిస్తున్నట్లు ప్రధాని నరేంద్రమోదీ ఇవాళ ఉదయం స్వయంగా ఫోన్ చేసి చెప్పినట్లు సమాచారం.

బండారు దత్తాత్రేయతో పాటు టీడీపీ రాజ్యసభ సభ్యడు సృజనా చౌదరికి కూడా కేంద్ర మంత్రివర్గంలో స్థానం దక్కనుంది. టీడీపీ పార్టీకి, అధినేత చంద్రబాబుకు అందుబాటులో వుంటూ.. మంచి నాయకత్వ లక్షణాలు వున్న సృజనా చౌదరి కేంద్రమంత్రిగా బాధ్యతలు చేపట్టడం ఇది తొలిసారి. దీంతో ఈ ఇద్దరు ఎంపీలు రేపు మధ్యాహ్నం కేంద్రమంత్రులుగా ప్రమాణస్వీకారం చేయనున్నారు. బీజేపి నేతృత్వంలని ఎన్డీఏ హయంలో బండారు దత్తాత్రేయకు కేంద్రమంత్రిగా అవకాశం రావడం ఇది రెండవ సారి. గతంలో ఆయన రైల్వే శాఖ సహాయమంత్రిగా బాధ్యతలు నిర్వర్తించారు.