రూ. 100 కోట్ల బంపర్ ఆఫర్ ను తోసిపుచ్చిన మాయావతి

Posted: 11/06/2014 09:14 AM IST

Spurned rs 100 crore offer for rs ticket mayawati

బహుజన సమాజ్ పార్టీ అధినేత్రి మాయావతి సొంతపార్టీ ఎంపీపైనే సంచలన ఆరోపణలు చేశారు. తనకు వచ్చిన 100 కోట్ల రూపాయల బంపర్ ఆఫర్ ను తోసిపుచ్చనట్లు చెప్పుకోచ్చారు. మరోసారి రాజ్యసభకు పంపిస్తే 100 కోట్ల రూపాయలు ఇస్తానని సొంత పార్టీ ఎంపీనే తనకు ఆఫర్ ఇచ్చారని చెప్పారు. కేంద్ర మాజీ మంత్రి, ప్రస్తుత రాజ్యసభ సభ్యుడు అఖిలేశ్ దాస్ చేసిన ఈ ప్రతిపాదనను తాను నిర్ద్వంద్వంగా తోసిపుచ్చినట్లు ఆమె చెప్పారు. వంద కాదు రెండు వందల కోట్ల రూపాయలు ఇచ్చినా టికెట్ ఇచ్చేది లేదని ఆయనకు తెగేసి చెప్పామన్నారు.

అంతేకాదు అధినేత్రికే ఆపర్ ఇచ్చిన నేతను రెండు రోజుల క్రితం పార్టీ సస్సెండ్ చేసింది. లక్నో మాజీ మేయర్గా కూడా చేసిన అఖిలేశ్ దాస్ 2008లో కాంగ్రెస్ పార్టీని వీడి బీఎస్పీలో చేరారు. ఇదిలా ఉండగా, ఈ నెల 20న జరగనున్న రాజ్యసభ ఎన్నికల్లో బీఎస్పీ తరపు అభ్యర్థులుగా వీర్‌సింగ్, రాజారాంలను మాయావతి ప్రకటించారు. ఉత్తరప్రదేశ్ అసెంబ్లీలో బీఎస్పీకి ఉన్న సభ్యుల సంఖ్యను పరిగణనలోకి తీసుకుంటే వారిద్దరూ రాజ్యసభకు ఎన్నికయ్యే అవకాశం ఉంది.

జి.మనోహర్