బలపరీక్షకు సిద్ధమవుతున్న ఫడ్నీవీస్

Posted: 11/03/2014 11:04 AM IST

Fadnavis to show strength and seek trust vote on novermber 12

మహారాష్ర్టలో ప్రభుత్వం ఏర్పడినా.. పొత్తులపై మాత్రం ఇంకా స్పష్టత రాలేదు. బీజేపి నేతృత్వంలో ఏర్పాటైన సంకీర్ణ సర్కారుకు సీఎంగా దేవేంద్ర ఫడ్నవీస్ ప్రమాణం చేశారు. అయితే ప్రభుత్వంకు మద్దతుపై అసెంబ్లీలో బలప్రదర్శన జరగాల్సి ఉండటతో ఇందుకోసం ఆయన సిద్ధం అవుతున్నారు. .ఈనెల 12న బలం నిరూపించుకుంటారని మహారాష్ర్ట బీజేపి వర్గాలు చెప్తున్నాయి. సభకు ఎన్నికైన సభ్యుల ప్రమాణస్వీకారాల తర్వాత విశ్వాస పరీక్ష జరగనుంది. ఇందుకోసం ఫడ్నవీస్ వ్యూహాలు రచిస్తున్నారు.

అతిపెద్ద పార్టీగా అవతరించినా.. సొంతంగా అధికారం చేపట్టే అర్హత లేదు. దీంతో శివసేన లేదా ఎన్సీపీ నుంచి మద్దతు తప్పనిసరి అయింది. ఎన్సీపి బయటి నుంచి మద్దతు ఇచ్చేందుకు ముందుకు వచ్చినా బీజేపి పట్టించుకోవటం లేదు. శివసేనతో పొత్తువైపే ఆసక్తి చూపుతోంది. ఆయితే వీరితో పదవులు, ఇతర విషయాలపై పలు చిక్కులు ఉన్నాయి. అయినా వీటన్నిటిని పరిష్కరించుకుని శివసేనతో కలిసి సర్కారు ఏర్పాటు చేస్తామని ఫడ్నవీస్ చెప్తున్నారు. ఒకవేళ ఈ చర్చలు విఫలం అయినా మద్దుతు ప్రకటించి ఎదురుచూస్తున్న ఎన్సీపి రెడిగా ఉంది. దీంతో ప్రభుత్వ మనుగడకు ఇబ్బంద లేకున్నా ఇదో పద్దతి కావటంతో బల నిరూపణకు సిద్ధం అవుతున్నారు.

కార్తిక్