హస్తినలో ప్రభుత్వ ఏర్పాటుకు 'సుప్రీం' గ్రీన్ సిగ్నల్..!

Posted: 10/30/2014 01:09 PM IST

Lieutenant governor has made positive moves in exploring the possibility of government formation in delhi says supreme court

దేశ రాజధాని ఢిల్లీలో ప్రభుత్వ ఏర్పాటుకు మార్గం సుగమమైంది. ఇన్నాళ్లుగా వున్న రాష్ట్రపతి పాలన నుంచి ప్రజలు విముక్తులు కానున్నారు. ఇకపై వారు ఎంచుకున్న ప్రభుత్వమే వారికి సేవలను అందించనుంది. ఢిల్లీలో ప్రభుత్వాన్ని ఏర్పాటు చేసేందుకు తమ పార్టీకి బయట నుంచి ఎవరైనా మద్దతు లభిస్తే ప్రభుత్వాన్ని ఏర్పాటు చేసుకోవచ్చని న్యాయస్థానం సూచించింది. అసెంబ్లీని రద్దు చేయాలన్న ఆప్ పిటిషన్పై విచారణ జరిపిన న్యాయస్థానం ఈ మేరకు నిర్ణయాన్ని తెలిపింది. సుప్రీంకోర్టులో వాదనలు సందర్బంగా న్యాయమూర్తి.. లెఫ్టినెంట్ గవర్నర్ ప్రయత్నాలను సమర్థించింది. కేసు తదుపరి విచారణను నవంబర్ 11వ తేదీకి వాయిదా వేశారు.

కాగా గత డిసెంబర్‌లో ముఖ్యమంత్రి బాధ్యతలు చేపట్టిన అరవింద్ కేజ్రీవాల్ 49 రోజులకే వైదొలిగారు. అవినీతి నిరోధానికి ఉద్దేశించిన జన్‌లోక్‌పాల్ బిల్లుకు కాంగ్రెస్ మద్దతు ఇవ్వకపోవడానికి నిరసనగా ఆప్ ఈ నిర్ణయం తీసుకుంది. దీంతో లెఫ్టినెంట్ గవర్నర్ నజీబ్ జంగ్ శాసనసభను సుప్తచేతనావస్థలో ఉంచుతున్నట్టు ప్రకటించారు. ఈ నిర్ణయం వల్ల ప్రజలకు ప్రజాస్వామిక ప్రభుత్వం అందుబాటులో ఉండడం లేదని పేర్కొంటూ ఆప్‌ సుప్రీంకోర్టును ఆశ్రయించింది.

జి.మనోహర్