దేశ రాజకీయ చరిత్రలో ఇదో శుభపరిణామం

Posted: 10/29/2014 04:11 PM IST

భారత రాజకీయ చరిత్రలో నల్లకుబేరుల జాబితా కేంద్ర ప్రభుత్వం.. సర్వోన్నత న్యాయస్థానం సుప్రీంకోర్టుకు అందజేయడం ఒక శుభపరిణామమని  ప్రముఖ న్యాయవాది రాం జెఠ్మలనీ అన్నారు. విదేశీ బ్యాంకుల్లోని నల్లధనం వెలికితీత అంశంపై స్పందించిన ఆయన నల్ల ధన కుబేరుల జాబితా అత్యున్నత న్యాయాస్థానానికే చెందుతందని ఆయన అభిప్రాయపడ్డారు. నల్లధన కుబేరుల విషయంలో ప్రభుత్వాలు నీళ్లు నములుతుండగా, సుప్రీంకోర్టు తీవ్రంగా మండిపడటంలోనే కేంద్రం జాబితాను సమర్పించిందన్నారు. ఈ క్రెడిట్ ఆర్థిక శాఖకు లేదా అటార్ని జనరల్ పరిమితం చేయాలను కుంటే అది భావ్యం కాదన్నారు.
 
నల్ల కుబేరుల జాబితాలోని పేర్లను స్పెషల్ ఇన్వెస్టిగేషన్ టీమ్ (సిట్)కు అప్పగించాలని ఆయన అన్నారు. ఈ కేసులో విచారణను ప్రభుత్వం, లేదా అధికారుల చేతుల్లో పెట్టకుండా చర్యలు తీసుకోవాలని రాం జెఠ్మలనీ సూచించారు. నల్ల కుబేరుల జాబితాను కేంద్రం సుప్రీంకోర్టుకు అందిచడంపై ఆయన హర్షం వ్యక్తం చేశారు.

జి.మనోహర్