నల్లకుబేరుల విషయంలో కేంద్రంపై ఆగ్రహించిన ‘‘సుప్రీం’’!

Posted: 10/28/2014 05:29 PM IST

Supreme court fires on central government in the issue of black money holders

కాంగ్రెస్ అధికారంలో వున్నప్పుడు బారతదేశంలో లెక్కలేనన్ని స్కాములు జరిగిన విషయం తెలిసిందే! ఆ నేపథ్యంలో దొరికిందే ఛాన్సంటూ కొంతమంది రాజకీయనేతలు డబ్బులను బాగా దండేసుకుని ఇతర దేశాల్లో జమ చేసుకున్నారు. అయితే బీజేపీ అధికారంలోకి రాగానే ఆ నల్లకుబేరుల చిట్టాను బయటకు తీసింది. అయితే ఆ నల్లకుబేరుల్లో వున్నవారి పేర్లను బయటకు బహిర్గతం చేయలేదు కానీ.. వారి వివరాలను విడతలగా సుప్రీంకు కేంద్రం సమర్పించుకుంటూ వస్తోంది. ఇప్పటివరకు కేంద్రం ఒక్కొక్కసారి ముగ్గురు పేర్లు, మరోసారి ఏడుగురు పేర్లంటూ విడతల రూపంలో సుప్రీంకు నల్లకుబేరుల జాబితాను అందిస్తూ వచ్చారు.

అయితే నల్లకుబేరుల వెల్లడిలో కేంద్రం వైఖరి సరిగ్గా లేదంటూ సుప్రీంకోర్టు ఆగ్రహం వ్యక్తం చేసింది. ఈ అంశానికి సంబంధించి తీర్పులో మార్పులు చేయాలని కేంద్రం కోరిన నేపథ్యంలో.. సుప్రీం ఆగ్రహం తెలిపింది. తమ తీర్పులో ఒక్కపదం కూడా మార్చేది లేదని స్పష్టం చేసింది. నల్లధనం ఖాతాదారుల పేర్లతో కూడిన జాబితాను రేపటి(బుధవారం)లోగా తమకు తెలపాలని సుప్రీంకోర్టు కేంద్ర ప్రభుత్వాన్ని ఆదేశించింది.