ఇవాళ సుప్రీంకు నల్ల కుభేరుల జాబితా

Posted: 10/27/2014 07:36 AM IST

అక్రమంగా డబ్బులు పోగేసిన కుభేరుల ఆస్తులను వెలికితీసేందుకు కేంద్రం రంగంలోకి దిగింది. స్వలస్ బ్యాంకు అధికారులు ఇచ్చిన సమాచారం ప్రకారంగా అక్రమంగా డబ్బు కూడబెట్టిన వారి వివరాలు సేకరించిన కేంద్రం.. ముందుగా ముగ్గురి పేర్లను మాత్రం కోర్టుకు అందించనుంది. ముగ్గురి అక్రమ డబ్బు విషయంపై న్యాయస్థానంలో అఫిడవిట్ దాఖలు చేయనుంది. విచారణ మొదలయ్యాక మిగతా వ్యక్తుల  పేర్లను కోర్టుకు అందిస్తామని కేంద్ర ప్రభుత్వ వర్గాలు స్పష్టం చేస్తున్నాయి.

అయితే ఈ ముగ్గురిలో రాజకీయ నేతలెవరూ లేరని సమాచారం. దీంతో అక్రమంగా డబ్బు దాచిన నేతలు కాస్త ఊరట చెందినా.., వారి గుండెల్లో మాత్రం రైళ్ళు పరిగెడుతున్నాయి. ఈ ముగ్గురు ఎవరా అని అంతా తలపట్టుకుంటున్నారు. అటు తాజా లిస్ట్ లో తమ పేరు లేకపోయినా.., తదుపరి విచారణలో తమ పేర్లు ఉండే అవకాశం ఉందని నల్ల కుభేరులు తీవ్ర ఆందోళనలో ఉన్నారు.

 

కార్తిక్