నేను మంచి స్టూడెంట్ ను కాదు - మోడి

Posted: 10/20/2014 03:57 PM IST

దేశ ప్రధానిగా అందరి మన్ననలు పొందుతున్న నరేంద్రమోడి తనకు ఉన్న లోపం గురించి ఒక విషయం చెప్పాడు. అదేమంటే దేశం మొత్తాన్ని తన హవాతో ఊపేసినా.. విద్యార్థి జీవితంలో మాత్రం చెప్పకోవడానికి ఏమి లేదన్నారు. తాను మంచి మార్కులు పొందిన విద్యార్థిని కాదన్నారు. ఎప్పుడూ తనకు అవార్డులు, ప్రోత్సాహకాలు రాలేదని చెప్పారు. సాధారణ విద్యార్థిగా., అందర్లో ఒకడిగానే కొనసాగానన్నారు. ఢిల్లీలోని ఎయిమ్స్ స్నాతకోత్సవంలో పాల్గొన్న మోడి, విద్యార్థులను ఉద్దేశించి ప్రసంగించారు.

వైద్యరంగంలో పరిశోధనలు తగ్గాయని వాటిపై దృష్టిపెట్టాల్సిన అవసరం ఉందన్నారు. ఎప్పుడూ ఏదో ఒకటి నేర్చుకుంటూ నిత్య విద్యార్థిగా ఉండాలని సూచించారు. స్నాతకోత్సవ కార్యక్రమాలకు సామాన్యులను పిలవటం వల్ల పేద, మద్య తరగతి ప్రజలు వారిని చూసి స్పూర్తి పొందుతారన్నారు. ఏకలవ్యుడిలా మేదస్సును పెంచుకోవాలని సూచించారు. ఈ కార్యక్రమంలో ఎయిమ్స్ డైరెక్టర్ ఇతర ఉన్నతాధికారులు పాల్గొన్నారు. విద్యార్థులకు పట్టాలను వైద్యవిద్య పట్టాలను ప్రధానం చేశారు.

కార్తిక్