టీచర్ అక్రమ సంబందం., విద్యార్థి హత్య

Posted: 10/20/2014 10:57 AM IST

నెల్లూరు జిల్లాలో స్కూల్ హెడ్ మాస్టర్ తో టీచర్ కు ఉన్న అక్రమ సంబంధం విద్యార్థి మృతికి కారణం అయింది. కావలి లోని శ్రీ విద్యా నికేతన్ స్కూల్ లో ఐదు రోజుల క్రితం మృతి చెందిన ఐదవ తరగతి విద్యార్థి సాయికృష్ణ కేసును పోలిసులు చేధించారు. హెడ్ మాస్టర్ అయ్యన్న అక్రమ సంబంధం మృతికి కారణంగా తేల్చారు. పోలిసుల వివరాల ప్రకారం.., అయ్యన్నకు స్కూల్ లో పనిచేసే కౌసల్య అనే టీచర్ తో అక్రమ సంబంధం ఉంది. ఈ క్రమంలో వీరిద్దరూ ఓ గదిలో ఏకాంతంగా ఉండగా.. ఓ సారి సాయికృష్ణ చూశాడు.

వీరి గుట్టును ఎవరికి చెప్పకుండా విద్యార్థిని బెదిరించాలని అయ్యన్నకు కౌసల్య చెప్పింది. ఈ సూచన ప్రకారం హాస్టల్ లో ఉన్న సాయికృష్ణను పిలిచిన హెడ్ మాస్టర్ భయపెట్టేందుకు చెంపపై గట్టిగా కొట్టాడు. దీంతో పక్కనే ఉన్న కిచెన్ స్లాబుపై పడి సాయి తలకు తీవ్రగాయమై అక్కడికక్కడే మృతి చెందాడు. అయితే విద్యార్థి అనారోగ్యంతో చనిపోయాడు అని అందర్నీ అయ్యన్న నమ్మించాడు. ఘటనపై అనుమానాస్పద మృతిగా కేసు నమోదు చేసిన పోలిసులు దర్యాప్తు ప్రారంభించారు.

విచారణలో అయ్యన్న-కౌసల్య మద్య అక్రమ సంబంధం..  ఆ తర్వాత జరిగిన పరిణామాలు బయటకు వచ్చాయి. దీంతో నిందితులు ఇద్దరిని పోలిసులు అరెస్టు చేశారు. వీరిపై హత్య, విద్యార్థిని కొట్టడం, భయపెట్టడం, అక్రమ సంబంధం తదితర కేసులు పెట్టినట్లు కావలి పోలీసులు తెలిపారు. హెడ్ మాస్టర్ అక్రమ సంబంధంకు సాయికృష్ణ బలికావటంపై విద్యార్థి కుటుంబ సభ్యులు కన్నీరుమున్నీరవుతున్నారు. అటు సాయి మృతికి కారణమైన అయ్యన్న, కౌసల్యను కఠినంగా శిక్షించాలని విద్యార్థి సంఘాలు డిమాండ్ చేస్తున్నాయి.

కార్తిక్