రెండు రాష్ట్రాల్లో బీజేపి విజయం.. మోడీదే..

Posted: 10/19/2014 11:11 AM IST

మహారాష్ట్ర, హర్యానా శాసనసభ ఎన్నికల ఫలితాల్లో బీజేపీ విజయం వైపు దూసుకుపోవడంపై ఆ పార్టీ స్పందించింది. ఇది ప్రధానమంత్రి నరేంద్ర మోదీ విజయమని బీజేపీ అభివర్ణించింది. మోదీ నాయకత్వాన్ని ప్రజలు విశ్వసిస్తున్నారని ఈ ఎన్నికల ద్వారా రుజువైందని ఆ పార్టీ అధికార ప్రతినిధి షానవాజ్ హుస్సేన్ న్యూఢిల్లీలో వెల్లడించారు. ఇరు రాష్ట్రాలలో బీజేపీ తొలిసారిగా అధికారాని చేపడతామని షానవాజ్ విశ్వాసం వ్యక్తం చేశారు.

హర్యానాలో ఒంటరిగానే తమ పార్టీ ప్రభుత్వాన్ని ఏర్పాటు చేస్తుందని వెల్లడించారు. మహారాష్ట్రలో కలసి వచ్చే మిత్రులతో కలసి ప్రభుత్వాన్ని ఏర్పాటు చేస్తామన్న షానావాజ్ హుస్సెన్ శివసేన.. కలవని పక్షంలో నేషనల్ కాంగ్రెస్ పార్టీతో జతకడతారా..? అన్ని ప్రశ్నించగా సమాధానం దాటవేశారు.

జి.మనోహర్