పోటాపోటీగా హెలికాప్టర్లు కొనేందుకు సిద్దమయ్యారు..

Posted: 10/08/2014 06:15 PM IST

తెలుగు రాష్ట్రాల ముఖ్యమంత్రులు చంద్రశేఖర్ రావు, చంద్రబాబు లిద్దరు ఒకరికొకరు పోటీ పడుతున్నారు. నిజంగానే ఇది సంతోషించదగ్గ పరిణామమే అనుకుంటే పోరబాటే.. వారిద్దరూ పోటీ పడుతుంది రాష్ట్ర అభివృద్ది విషయంలోనే, ప్రజలకు సంక్షమాలను అందించే అంశంలోనో కాదు. వారికి సౌకర్యాలను సమకూర్చుకోవడంలో అంటే మీరు నమ్ముతారా..? నిజమండీ.. సౌకర్యాలను సమకూర్చకోవడంలో మాత్రం ఇద్దరు ఒకరికోకరు పోటీ పడుతున్నారు. ఇటీవలే తెలంగాణ ముఖ్యమంత్రి కె.చంద్రశేఖరరావు తన కోసం ప్రత్యేకంగా ఒక హెలికాప్టర్ కొనుగోలు చేయాలని నిర్ణయించారు. అందుకు పోటీగా అన్నట్లు ఆంధ్రప్రదేశ్ ముఖ్యమంత్రి చంద్రబాబు కూడా ఒక హెలికాప్టర్ కొనుగోలు చేయాలని తాజాగా నిర్ణయించింది.

ముఖ్యమంత్రులు పర్యటనలు చేయడానికి, అత్యవసర పరిస్థితుల్లో ఉపయోగించడానికి ప్రతి రాష్ట్రానికి హెలికాప్టర్ ఉంటుంది. అలాగే ఇంతకుముందు సమైక్య ఆంధ్రప్రదేశ్ రాష్ట్రానికి కూడా హెలికాప్టర్ ఉంది. దాన్ని ఏం చేయాలన్న విషయాన్ని పక్కన పెట్టి, ఇప్పుడు మళ్లీ ఇద్దరూ తలో హెలికాప్టర్ కొనాలని భావిస్తున్నారు.

జి. మనోహర్