జయలలితకు బెయిల్ రాలేదు

Posted: 10/07/2014 04:01 PM IST

అన్నాడిఎంకే అధినేత్రి జయలలితకు కర్ణాటక హైకోర్టు షాకిచ్చింది. అక్రమాస్తు కేసులో ఆమె దాఖలు చేసుకున్న బెయిల్ పిటిషన్ ను కోర్టు తిరస్కరించింది. మంగళవారం విచారణ సందర్బంగా ఇరుపక్షాలు తమ వాదనలు విన్పించాయి. అటు జయలలితకు షరతులతో కూడిన బెయిల్ ఇస్తే తమకు ఎలాంటి అభ్యంతరం లేదు అని సీబీఐ వాదించింది. దీంతో బెయిల్ వస్తుంది అని అంతా అనుకున్నారు. ఈ విషయం తెలుసుకున్న జయ అభిమానులు సంబరాలు మొదలు పెట్టారు. స్వీట్లు పంచుకుని అభినందనలు తెలుపుకున్నారు. అయితే విచారణ పూర్తయిన తర్వాత.., తీర్పును చదవి విన్పించిన జస్టిస్ చంద్రశేఖర్ తో కూడిన ధర్మాసనం జయకు బెయిల్ ఇవ్వటం లేదని ప్రకటించింది.

అవినీతి కేసుల్లో కఠినంగా వ్యవహరించాలి అన్న సుప్రీం కోర్టు తీర్పును దృష్టిలో ఉంచుకుని బెయిల్ ఇవ్వటం లేదు అని ప్రకటించింది. ప్రాసిక్యూషన్ వాదనతో తాము ఏకీభవించటం లేదు అని ప్రకటించింది. అప్పటివరకు సంతోషంగా ఉన్న జయ అభిమానులు.., కన్నీరుమున్నీరవుతున్నారు. 66కోట్లకు సంబంధించిన అక్రమాస్తుల కేసులో గత నెల 27న జయలలిత అరెస్టయ్యారు. జయతో పాటు సన్నిహితురాలు శశికళ, దత్తపుత్రుడు సుధాకరన్ కూడా అరెస్టయ్యారు. ఈ కేసులో జయలలితకు నాలుగేళ్ళ జైలు శిక్షతో పాటు రూ. 100కోట్ల జరిమానా విధించిన విషయం తెలిసిందే. తాజాగా బెయిల్ రావటంతో జయ అభిమానులు సంబరాలు చేసుకుంటున్నారు. జయలలితకు ఇవాళ బెయిల్ రాకపోతే తమిళనాడులో ఉండే కన్నడిగుల అంతు చూస్తామని జయ అభిమానులు పోస్టర్లను అంటించి మరీ హెచ్చరికలు జారీ చేశారు.

కార్తిక్