విచారణకు రానున్న జయలలిత బెయిల్ పిటీషన్

Posted: 09/30/2014 04:29 PM IST

అన్నాడీఎంకే అధినేత్రి, తమిళనాడు మాజీ ముఖ్యమంత్రి జయలలిత బెయిల్ పిటీషన్ ను కర్ణాటక హైకోర్టు రేపు విచారించనుంది. అక్రమాస్తుల కేసులో సీబీఐ ప్రత్యేక న్యాయస్థానం వెలువరించిన తీర్పుపై స్టే విధించాలంటూ ఆమె దాఖలు చేసిన బెయిల్ పిటిషన్ను కర్ణాటక హైకోర్టు ఇవాళ విచారణకు స్వీకరించిన న్యాయస్థానం.. తదుపరి విచారణను అక్టోబర్ 6కు వాయిదా వేసింది.  

ఈ నేపథ్యంలో లాయర్ విజ్ఞప్తితో హైకోర్టు బుధవారం విచారణకు అంగీకరించినట్లు సమాచారం. ప్రత్యేక ధర్మసనం ఈ పిటీషన్పై విచారణ చేపట్టవచ్చని తెలుస్తోంది.రేపు ఉదయం 10.30 గంటలకు కర్ణాటక హైకోర్టు బెయిల్ పై వాదనాలు విననుంది. జయలలిత లాయర్ విజ్ఞప్తితో బుధవారం విచారణను చేపట్టేందుకు కోర్టు అంగీకరించినట్టు సమాచారం. దీంతో బెయిలుపై విడుదల కావాలనుకున్న జయలలిత ఆశలు ఇంకా సజీవంగానే వున్నాయి. పార్టీ కార్యకర్తలు ఎలాంటి ఆంధోళనకు గురికావద్దని నేతలు పిలుపునిస్తున్నారు. జయలలిత జైలు పాలు కావడంతో తమిళనాడులోని 16 మంది మృతి చెందగా, అక్కడక్కడా ఇంకా ఆత్మహత్యయత్నాలు కొనసాగుతూనే వున్నాయి.

జి మనోహర్