న్యూ యార్క్‌లో భారత ప్రధాని మోదీకి ఘనస్వాగతం

Posted: 09/27/2014 12:11 AM IST

భారత ప్రధానమంత్రి నరేంద్ర మోదీ అమెరికా కాలమానం ప్రకారం శుక్రవారం మధ్యాహ్నం 12.30 గంటల ప్రాంతంలో న్యూ యార్క్‌ చేరుకున్నారు. మోదీ ఐదు రోజులపాటు అమెరికాలో ఉంటారు. శనివారంనాడు ఆయన ఐక్యరాజ్య సమితి సర్వసభ్య సమావేశంలో ప్రసంగించనున్నారు.

మోదీ రెండు రోజులపాటు న్యూ యార్క్‌లో గడిపిన అనంతరం ఆయన వాషింగ్టన్‌ వెళ్తారు. అక్కడ ఆయన అమెరికా అధ్యక్షుడు బరాక్‌ ఒబామాతో కీలకమైన చర్చలు జరుపుతారు. ఆయన ఒబామాతో రెండు సార్లు సమావేశమవుతారు.

ప్రధాని బస న్యూ యార్క్‌లోని ప్యాలెస్‌ హోటల్‌లో ఏర్పాటు చేశారు. ఆయన అక్కడికి చేరుకునే సరికి పెద్ద ఎత్తున భారతీయులు చేరుకున్నారు. వారు మోదీ.. మోదీ.. వందేమాతరం అంటూ నినాదాలు చేశారు. మోదీ తమ చుట్టూ ఉన్న భారత, అమెరికా భద్రతా సిబ్బంది ఉన్నప్పటికీ అబిమానుల దగ్గరకు వెళ్లారు. కొందరితో ఆయ.న కరచాలనం చేశారు.

 

 

Prime Minister Narendra Modi on Friday arrived in US for a five-day visit. Upon arrival in New York City, Modi was welcomed by Indian Ambassador to US S Jaishankar.