తెలంగాణ ప్రభుత్వానికి ప్రతిభా పురస్కారం

Posted: 09/21/2014 12:41 PM IST

Meritorious award to telangana government

నాలుగు మాసాల్లోనే బొగస్ కార్డుల ఏరివేతకు చెక్ పెట్టిన తెలంగాణ ప్రభుత్వానికి కేంద్రం ప్రతిభా(మెరిట్) అవార్డును అందజేసింది. శాస్త్ర, సాంకేతికతను వినియోగించుకుని అనూహ్య ఫలితాలను సాధించిన తెలంగాణ రాష్ట్ర ప్రభుత్వానికి కేంద్రం ఈ పురస్కారాన్ని అందజేసింది. 'కనిష్ఠ ప్రభుత్వం.. గరిష్ఠ పాలన' పేరుతో సాంకేతికతను వినియోగించుకున్న విభాగాలను గుర్తించేందుకు కేంద్రంలోని వివిధ మంత్రిత్వ శాఖలు నాలుగు రోజుల పాటు మేధోమథనం చేశాయి. నేషనల్ ఇన్ఫర్మేటిక్ సెంటర్ రూపొందించిన ఈ-పీడీఎస్ సాఫ్ట్‌వేర్‌ను తెలంగాణ రాష్ట్ర పౌరసరఫరాల శాఖ వినియోగించుకుంది.

అధార్ కార్డుల సీడింగ్‌ను చేపట్టడంతో లక్షల సంఖ్యలో బోగస్ కార్డులను ప్రభుత్వం రద్దు చేసింది. మూడు నెలల వ్యవధిలో 10.13 లక్షల కార్డులను రద్దు చేసింది. దీంతో 16.54 మెట్రిక్ టన్నుల బియ్యాన్ని ఆదా చేసింది. మూడు నెలల కిందట 63 శాతం ఉన్న ఆధార్‌ కార్డుల సీడింగ్ ప్రస్తుతానికి 89 శాతానికి చేరుకుంది. ఈ-పీడీఎస్ సాఫ్ట్‌వేర్‌ను వినియోగించి అనూహ్య ఫలితాన్ని సాధించినందుకు కేంద్రం 'ఆర్డర్ ఆఫ్ మెరిట్' పేరుతో అవార్డును ఇచ్చింది. కేంద్ర పంచాయతీరాజ్, ఆరోగ్య, కుటుంబ సంక్షేమం, ఎలక్ట్రానిక్స్, ఇన్ఫర్మేషన్ టెక్నాలజీ, కమ్యూనికేషన్ మంత్రిత్వ శాఖల మేధోమథనం సందర్భంగా తెలంగాణ సర్కారు ఈ అవార్డును అందజేశారు.

జి మనోహర్