ఐఎఎస్, ఐపీఎస్ లకు ఎల్లో డ్రెస్ కోడ్

Posted: 09/19/2014 03:11 PM IST

పదేళ్ల తరువాత అధికారంలోకి వచ్చిన తెలుగుదేశం ప్రభుత్వం రాష్ట్ర పరిపాలనపై పట్టు సాగించే పక్రియలో రాష్ట్రంలోని బ్యూరోకాట్లను తన అదుపాజ్ఞల్లో పెట్టుకుంటోందట. వారికి ఎల్లో డ్రెస్ కోడ్ కూడా పెట్టారని వైవైఎస్‌ఆర్‌ సీపీ అధికార ప్రతినిధి తమ్మినేని సీతారాం విమర్శలు గుప్పించారు. చంద్రబాబు రహస్య జీవోల పేరుతో చీకటి రాజ్యానికి, మాఫీయా బోజ్యానికి తెరలేపుతున్నారని ఆరోపించారు. టీడీపీ కార్యకర్తలకు లక్షలాది రూపాయల ప్రజాధనాన్ని పప్పు, బెల్లంలా పంచుతున్నారని అన్నారు.

చంద్రబాబు టీడీపీ కార్యకర్తలకు ముఖ్యమంత్రా లేక ఆంధ్రప్రదేశ్ కు ముఖ్యమంత్రా అని నిలదీశారు. చంద్రబాబు ఆదేశాలను శిరసా వహించడానికి, ఐపీఎస్, ఐఎఎస్ లు  సిద్ధంగా లేరని చెప్పారు. దివంగత నేత వైఎస్‌ఆర్‌లా పెద్దమనసుతో ఆలోచించాలని ఆయన సూచించారు. ప్రజానాయకుడిగా పనిచేయాలని హితవు పలికారు. ప్రజల ఆశలు, ఆకాంక్షలు నెరవేర్చాలని తమ్మినేని కోరారు.

జి.మనోహర్