కోస్తాంధ్రకు భారీ వర్ష సూచన..

Posted: 09/19/2014 02:49 PM IST

వర్షాకాలం ముగుస్తున్న సమయంలో వరుణుడు తన ప్రతాపాన్ని చూపుతున్నాడు. ఈ నెల ఆరంభంలో కురిసిన వర్షాలతో కాకవికలమైన కోస్తాంధ్రపై మరోమారు ప్రతాపం చూపనున్నాడు. వర్షాల కోసం ఎదురుచూసిన సమయంలో ముఖం చాటేసిన వరుణుడు.. ఇప్పడు మళ్లీ, మళ్లీ వస్తానంటూ కోస్తాంధ్ర రైతాంగాన్ని ఆందోళనకు గురిచేస్తున్నాడు. భారీ వర్షలు కురుస్తాయన్న హెచ్చరికల నేపథ్యంలో రైతన దిగులు చెందుతున్నాడు.

పశ్చిమ మధ్య బంగాళాఖాతంలో.. ఉత్తరాంధ్రకు సమీపంలో ఏర్పడిన అల్పపీడనం బలంగా కేంద్రీకృతమవ్వడం.. దీనికి తోడు అదే ప్రాంతంలో ఉపరితల ఆవర్తనం అనుబంధంగా కొనసాగుతుండడంతో రాగల 24 గంటల్లో కోస్తాంధ్రలో భారీ వర్షాలు కురువనున్నాయి. అంతేకాకుండా బలమైన ఈదురు గాలులుతో కూడిన వర్షాలు పడే అవకాశాలు వున్నాయి. సముద్రంలో చేపల వేటకు వెళ్లే మత్స్యకారులు అప్రమత్తంగా ఉండాలని విశాఖ వాతావరణ కేంద్రం అధికారులు హెచ్చరించింది. ఇప్పటికే గుంటూరు జిల్లాలో కుండపోతగా కురిసిన భారీ వర్షాల కారణంగా గుంటూరు, అమరావతి మధ్య రాకపోకలు నిలిచిపోయాయి.  భారీ వర్షాల వల్ల పలుచోట్ల వాగులు, వంకలు ఉదృతంగా ప్రవహిస్తున్నాయి. దీంతో అమరావతి నుంచి విజయవాడ, గుంటూరుకు రాకపోకలు నిలిచిపోయాయి.

జి.మనోహర్