అది నిత్య పెళ్లికోడుకు ‘కాకి’

Posted: 09/19/2014 01:45 PM IST

ఆది నిత్య పెళ్లి కాకి అనగానే మీకు కాకులు కూడా పెళ్లిళ్లు చేసుకుంటాయా..? అన్న ధర్మసందేహం కలుగుతుంది కదూ. అయితే ఇది అట్లాంటి ఇట్లాంటి కాకి కాదండీ.. నేరాలను, నేరగాళ్లను పసిగట్టాల్సిన కాకి.. అదే కానిస్టేబుల్ అన్నమాట. శాంతిభద్రలను కాపాటంలో నిత్యం బిజీగా వుండాల్సిన ఈయన.. నిత్య పెళ్లి కోడుకు అవతారం ఎత్తాడు. ఎవరూ తప్పులు చేయకుండా చూడాల్సిన ఈయన.. తానే తప్పులు చేస్తూ.. తప్పించుకు తిరగుతున్నాడు.

విశాఖపట్నం జిల్లా ఎస్. రాయవంలో కానిస్టేబుల్ గా పనిచేస్తున్న నాగేశ్వరావు.. తెరచాటున రెండు పెళ్లిళ్లు చేసుకున్నాడు. మొదటి భార్య సౌమ్యురాలు కావడంతో.. ఆమెకు మాయమాటలు చెప్పి తిరిగి.. తనకు పెళ్లైందన్న విషయాన్ని దాచిపెట్టి మరో యువతిని పెళ్లి చేసుకున్నాడు. తీరా విషయం బయట పడటంలో తప్పించుకు తిరగడం ప్రారంభించాడు.

అయితే స్టోరీలో టిస్ట్ ఏముంది అంటారా..? అక్కడికే వస్తున్నా.. ఇద్దరు భార్యలున్నా ఇతగాడు.. తాజాగా మరో మహిళతో సహజీవనం చేస్తున్నాడు. విషయం తెలుసుకున్న రెండో భార్య.. నిలదీసింది. మామూలుగానే మగాడు.. ఆ తరువాత కానిస్టేబుల్ మరి ఊరుకుంటాడా..? ఎవ్వరి చెప్పుకుంటావో చెప్పుకో.. అంటూ బీరాలు పోయాడు. తనను తన భర్త మోసం చేశాడంటూ నాగేశ్వర రావు రెండో భార్య మహిళా సంఘాలను ఆశ్రయించింది. దీంతో విషయం బయట పడింది.

జి.మనోహర్