డాన్ కాల్పుల్లో ఆరుగురు చిన్నారుల మృతి, నిందితుడి సూసైడ్

Posted: 09/19/2014 09:35 AM IST

Don named person killed six children and committed suicide

అమెరికాలో దారుణం జరిగింది. కన్నతండ్రి కసాయిగా మారి కూతురును కాల్చి చంపాడు. అంతటితో ఆగకుండా ఆరుగురు చిన్నారులను దారుణంగా తుపాకితో కాల్చి చంపాడు. అనంతరం తానుకూడా ఆత్మహత్య చేసుకున్నాడు. అమెరికాలోని హ్యూస్టన్లో, బెల్ టౌన్ పట్టణంలో జరిగిన ఈ ఘటన కలకలం రేపింది. పోలీసుల కధనం ప్రకారం.., డాన్ స్పిరిట్ (51) అనే వ్యక్తి కన్న కూతురితో పాటు, ఆరుగురు చిన్నారులను కాల్చి చంపాడు. వీరంతా పదేళ్ళలోపు చిన్నారులే. అనంతరం తాను ఆత్మహత్య చేసుకునే ముందు.., ఎమర్జెన్సి సర్వీసుకు ఫోన్ చేసి.., అత్యవసరంగా రావాలని కోరాడు. చెప్పిన అడ్రస్ కు ఎమర్జెన్సి సర్వీసు అధికారులు వచ్చే లోపు తాను కూడా కాల్చుకుని ఆత్మహత్య చేసుకున్నాడు.

ఇంట్లోకి వచ్చి చూసిన అత్యవసర సేవల అధికారులకు ఎనమిది శవాలు కన్పించాయి. ఇళ్ళంతా రక్తపు మడుగు అయింది. వెంటనే వారు పోలిసులకు సమాచారం అందించగా., ఘటనాస్థలానికి చేరుకున్న పోలిసులు.., మృతదేహాలను పోస్టుమార్టంకు పంపించారు. స్థానికుల సమాచారం ప్రకారం.., మృతిచెందిన చిన్నారుల్లో డాన్ స్పిరిట్ కూతురు కూడా ఉన్నట్లు గుర్తించారు. అయితే అతను ఈ దారుణానికి ఎందుకు పాల్పడ్డారో చెప్పలేకపోతున్నారు. కేసు నమోదు చేసుకున్న బెల్ టౌన్ పోలిసులు.., ఘటనపై ధర్యాప్తు మొదలు పెట్టారు.

కార్తిక్