గోవధలో పాల్పడుతున్న హిందువులు

Posted: 09/15/2014 09:31 AM IST

కేంద్రమంత్రి మేనకాగాంధీ సంచలన ఆరోపణలు చేశారు. గో వధలు కేవలం ముస్లింలు మాత్రమే చేయటం లేదన్నారు. ముస్లిలతో పాటు ఇతర మతస్థులు కూడా ఈ పాపంలో భాగస్వాములు అవుతున్నారని విమర్శించారు. అందులో హిందువులు కూడా కొందరు ఉంటారన్నారు. కేవలం ముస్లింలు మాత్రమే వధకు కారణంగా చూపటం సరికాదన్నారు. హిందువులు పవిత్రంగా పూజించే గోవులను వధకు తెలిసి కూడా తరలించేది హిందువులే అయినప్పుడు వారు కూడా వధకు కారణం అని పరోక్షంగా మాట్లాడారు.

ఇక ఆవులను చంపేసి.. వాటిమాంసంతో వ్యాపారం చేసేవారు ఉగ్రవాదులకు సహకరిస్తున్నారని కేంద్రమంత్రి సంచలన ఆరోపణలు చేశాు. జంతువధ నిర్వాహకులు ఉగ్రవాదుకుల డబ్బులు ఇస్తూ భారతీయుల వధకు సహకరిస్తున్నారని ద్వజమెత్తారు. ఉత్తరప్రదేశ్ లో ఓ జంతు వధ శాల నిర్వాహకుడి అరెస్టుతో ఈ ఉదంతం బయటకు వచ్చిందన్నారు. ఉగ్రవాద చర్యలకు సాయం చేస్తున్న వ్యక్తిని పోలిసులు అరెస్టు చేసి విషయాన్ని బహిర్గతం చేశారన్నారు. ఇలాంటి సంఘవిద్రోహ కుట్రలకు పాల్పడేవారిపై కఠిన చర్యలు తీసుకోవాలని పోలిసులను కేంద్రమంత్రి కోరారు.

కార్తిక్