నటి రోజా కుడిచేయికి గాయాలు!

Posted: 09/13/2014 10:13 AM IST

నటి-ఎమ్మెల్యే రోజా అనుకోకుండా ఒక సంఘటనలో గాయాలపాలైంది. సరదాగా కాలం గడుపుదామనకున్న రోజాకు దఢేల్ మంటూ సమస్యలు వచ్చి పడ్డాయి. చిత్తూరు జిల్లా నగరి అమ్మవారి జాతరలో పాల్గొన్న రోజా.. అక్కడ జరిగిన ఒక సంఘటనలో ఈమె గాయాలపాలవ్వాల్సి వచ్చింది. అసలు జరిగిందేమిటంటే.. వైసీపీ - టీడీపీ వర్గాల మధ్య వివాదాలు ఎప్పటినుంచో జరగుతూనే వుంది. ప్రతిఒక్క చిన్న విషయంలోనూ ఒకరిపై ఒకరు ఆరోపణలు చేసుకోవడం తప్ప.. సదరు విషయాల మీద పరస్పర సమర్థించుకోవడానికి మాత్రం ముందుకు రారు. నువ్వెంతా.. నువ్వెంతా..? అనుకూంట దోబూచులాడుకోవడమే సరిపోయిందే తప్ప... ప్రజల కష్టాల గురించి చర్చించి... వారికి చేయాల్సిన సహాయక చర్యలు మీద విశ్లేషించుకున్న దాఖలాలైతే ఇంతవరకు లేనేలేవు.

ఇదిలావుండగా.. చిత్తూరు జిల్లా నగరి అమ్మవారి జాతర ముగింపు సందర్భంగా మళ్లీ ఈ రెండు వర్గాల మధ్య తీవ్ర వివాదం నెలకొంది. ఈ నేపథ్యంలో జరిగిన తోపులాటలో రోజా చేతికి స్వల్ప గాయాలయ్యాయి. జాతర ముగింపు సందర్భంగా స్థానిక ఎమ్మెల్యే అమ్మవారికి హారతి ఇవ్వడం చాలాకాలం నుంచి ఆనవాయితీగా వస్తోంది. ఈ క్రమంలోనే రోజా అమ్మవారికి హారతి ఇచ్చేందుకు ఆలయానికి విచ్చేసింది. అయితే జాతర పెద్దలు మాత్రం ఆమెను అడ్డుకున్నారు. ఇలా మొదలైన ఈ వివాదంలో రోజా చేతిలో వున్న హారతి పళ్లెంను ప్రత్యర్థి వర్గం(టీడీపీ) లాగేసింది. దీంతో ఆమె చేతికి గాయమైంది. అయితే ఉద్దేశపూర్వకంగానే టీడీపీ నేతలు రోజాపై దాడికి పాల్పడ్డారంటూ వైసీపీ నేతలు అప్పుడే తమ మండిపాటును వెల్లడిస్తున్నారు. మరి ఈ విషయం ఇంకా ఎంత దుమారాన్ని రేపుతుందో వేచి చూడాలి..!

AS