ఎన్నికల లబ్ది కోసం టీఎస్ సర్కార్ ఎత్తుగడ..

Posted: 09/12/2014 07:56 AM IST

తెలంగాణలో కొత్త జిల్లాల ఏర్పాటు ప్రక్రియను రాష్ట్రప్రభుత్వం వేగవంతం చేసింది. ఎన్నికలలో ఇచ్చిన హామీలను నెరవేర్చేందుకు నడుం చుట్టిన తెలంగాణ సర్కార్ ఈ మేరకు నిర్ణయం తీసుకోనుంది. తొలి విడతగా ఏడు కొత్త జిల్లాలు ఏర్పాటు చేయాలని ప్రభుత్వం ప్రతిపాదించినట్లు తెలుస్తోంది. ఏడు జిల్లాల ఏర్పాటుకు ప్రతిపాదనలు పంపాలని భూపరిపాలన శాఖ ప్రధాన కమిషనర్‌కు ఆదేశాలు జారీచేసింది. మొదటి దశలో మంచిర్యాల, జగిత్యాల, సిద్ధిపేట, వికారాబాద్, సూర్యాపేట, కొత్తగూడెం, నాగర్‌కర్నూలు జిల్లాలను ఏర్పాటు చేసే అవకాశం ఉన్నట్లు సమాచారం. ఆ తరువాత జిల్లాల సంఖ్యను మరింత పెంచే అవకాశం వున్నట్లు సమాచారం.

ఖమ్మం జిల్లాలో జిల్లాల వర్గీకరణ చేస్తామని ఇటీవల సీఎం కేసీఆర్ హామి ఇచ్చిన నేపథ్యంలో.. వాటిని రెండో విడతలో ఏర్పాటు చేసే అవకాశాలున్నాయి. రాష్ట్రంలో ఎన్నికల కోడ్ అమల్లో వుండగా, ఎలాంటి ప్రకటన చేయవద్దని భావించిన సర్కారు.. ఉప ఎన్నికలలో లబ్దిపొందేందుకు ఈ మేరకు మీడియాకు లీకులను ఇచ్చింది. ప్రతిపాదనలు పంపాలని భూపరిపాలన శాఖ ప్రధాన కమిషనర్‌కు అధికారికంగా ఆదేశాలు ఇవ్వడం.. అందులో సిద్దిపేట కూడా వుండడం ఎన్నికల కోడ్ ఉల్లంఘనలకు పాల్పడడమే అవుంతోందని విపక్షాలు విమర్శల దాడి చేస్తున్నాయి.