ప్రముఖులకు గీతం గౌరవ డాక్టరేట్ల ప్రకటన

Posted: 09/09/2014 02:56 PM IST

Gitam university annouces doctorates on the occassion of convocation

గీతం యునివర్సిటీ గౌరవ డాక్టరేట్లను ప్రకటించింది. దర్శకేంద్రుడు రాఘవేంద్రరావుతో పాటు సీని పాటల రచయిత సుద్దాల అశోక్ తేజ ఈ జాబితాలో ఉన్నారు. వీరితో పాటు మార్గదర్శి ఎండీ శైలజా కిరణ్, అగ్ని క్షిపణుల తయారీలో గుర్తింపు పొందిన శాస్ర్తవేత్త అవినాష్ చందర్ కు కూడా గౌరవ డాక్టరేట్ అందిస్తున్నట్లు మంగళవారం విడుదల చేసిన ప్రకటనలో తెలిపింది. ఈనెల 13న గీతం స్నాతకోత్సవం జరగనుంది. ఈ సందర్బంగా వారికి గౌరవ డాక్టరేట్లు అందించనున్నారు.

ఈ స్నాతకోత్సవ కార్యక్రమంలో వివిధ రంగాలకు చెందిన ప్రముఖులకు గౌరవ డాక్టరేట్లు అందిస్తామని గీతం అధికారులు వెల్లడించారు. సినీ రంగం నుంచి రాఘవేంద్రరావు, సాహిత్య రంగం నుంచి సుద్దాల అశోక్ తేజ, అదే విధంగా శాస్ర్త సాంకేతిక రంగాల నుంచి అవినాష్ చందర్, పారిశ్రామికవేత్తల విభాగంలో శైలజాకిరణ్ లకు గౌరవ డాక్టరేట్లు ఇస్తున్నట్లు తెలిపింది. ప్రకటనలో ఆయా రంగాలకు వారు చేసిన సేవలను వివరించింది. గౌరవ డాక్టరేట్లు పొందటం పట్ల తెలుగు ప్రముఖులు సంతోషం వ్యక్తం చేశారు. ఇది వారికి తగిన గౌరవంగా చెప్తున్నారు.

కార్తిక్