నిండు ప్రాణాలను బలితీసుకున్న ‘‘ఇడ్లీ’’!

Posted: 09/09/2014 02:52 PM IST

మానవ శరీరానికి ఆరోగ్య ఆహారంగా పిలువబడే ఇడ్లీ.. ఒక నిండు ప్రాణాన్ని బలితీసుకుంది. అందులో ఏ విషపదార్థాలూ కలపలేదు.. అయినప్పటికీ సదరు మనిషి ఇడ్లీ తినడంతో మరణించాడు. ఇది వినడానికి ఆశ్చర్యంగా వున్నా.. జరిగింది మాత్రం నిజం! కేరళ రాష్ట్రంలో ప్రత్యేకంగా జరుపుకునే ఓనమ్ ఉత్సవాల్లో భాగంగా ఈ అపశృతి చోటు చేసుకుంది.

ఓనమ్ ఉత్సవాల సందర్భంగా అక్కడి స్థానిక క్లబ్ ఇడ్లీ పోటీలను నిర్వహించింది. ఇందులో భాగంగానే పాల్గొన్న కుదముతన్ అనే వ్యక్తి.. ఇడ్లీలను వేగంగా తినే ప్రయత్నం చేశాడు. ఆ ప్రయత్నంలోనే ఇడ్లీ గొంతులో ఇరుక్కుంది.. అతను ఎంత దానిని తీయడానికి ఎన్ని తంటాలు పడినా.. ఫలితం లేకపోయింది. దాంతో ఊపిరి ఆడకపోవడంతో ఆ వ్యక్తి అక్కడే మరణించాడు. అయితే ఇంకా బతికేవుండవచ్చునన్న ఆశతో అతనిని స్థానిక ఆసుపత్రికి తీసుకెళ్తే.. అతను అప్పటికే మరణించాడని వైద్యులు ధృవీకరించారు. దీంతో పండుగ ఉత్సవాల్లో హాయిగా వుండాల్సిన ఆ ప్రాంతం... కుదముతన్ మరణంతో దు:ఖ వాతావరణంతో అలుముకుంది.

AS