శ్రుతిమించిన ‘ఫోన్’ సంభాషణలతో ప్రాణాలు పొగొట్టుకుంది!

Posted: 09/09/2014 10:38 AM IST

(Image source from: husband killed his wife for talking on mobile phone continuously in bangalore)

ప్రస్తుతకాలంలో సెల్ ఫోన్ వాడకం ఏ విధంగా వుందో ప్రత్యేకంగా చెప్పుకోనవసరం లేదు. మూడుపూట్ల భోజనం లేకపోయినా యువకులు వుండగలరేమోగానీ.. చేతిలో సెల్ ఫోన్ లేకపోతే మాత్రం ఒక్క క్షణం కూడా వుండలేరు. చాటింగ్, సోషల్ నెట్ వర్కింగ్ వెబ్ సైట్స్, తరుచూ సంభాషణలు చేసుకోవడం ఇలా రకరకాలుగా ఒక్కొక్కరు ఒక్కొక్క విధానానికి అలవాటు పడిపోయి వుంటారు. అయితే అది ఎంతవరకు ఉపయోగపడుతుందో అంతవరకే దానిని వినియోగించుకోవాలి కానీ.. శ్రుతిమించితే మాత్రం ఎంతటి అనర్ధానికైనా దారితీస్తాయనడానికి ఇదొక ఉదాహరణ!

అందరిలానే ఓ వివాహిత తరుచూ సెల్ ఫోన్ లో గంటలతరబడి మాట్లాడటాన్ని అలవాటు చేసుకుంది. ఎంతగా అంటే.. ఏకంగా అది ఆమె ప్రాణాలనే తీసేసింది. తీరిక సమయం లేకుండా నిత్యం మాట్లాడుటం వ్యసనంగా మార్చుకున్న సదరు వివాహితురాలు.. అదే ఆమెపాలిట శాపంగా మారిపోయింది. వివరాల్లోకి వెళ్తే.. ఇరుగుపొరుగు ఇళ్లల్లో వుండే సైమన్, రేణుకా ఇద్దరూ ప్రేమవివాహం చేసుకున్నారు. అనంతరం వారిద్దరూ బెంగుళూరు రాజగోపాలనగరలోని సంజీవని నగరలో నివాసం వుంటున్నారు. ఇక్కడే సైమన్ ఓ ఫ్యాక్టరీలో పనికి కుదిరాడు. కొన్నాళ్లపాటు జీవితం బాగానే కొనసాగింది.

ఇదిలావుండగా.. రేణుకా కాలక్రమంలో నిత్యం మొబైల్లో మాట్లాడటం వ్యసనంగా మార్చుకుంది. ఎప్పుడు చూసినా గంటలతరబడి మాట్లాడుతూనే వుండేది. తన భర్త ఇంటికి వచ్చినవేళ భోజనసమయంలో కూడా ఫోన్ ను వదలకుండా మాట్లాడుతూనే వుండేది. దీంతో భర్త సైమన్ ఆమెను హెచ్చరించేవాడు. రేణుకా ఎవరితో మాట్లాడేదో కూడా సరిగ్గా చెప్పేది కాదు. భర్త ఎన్నిసార్లు అడిగినప్పటికీ.. ఆమె మాత్రం పూర్తి వివరాలు తెలియపర్చకుండా తన పని తాను చేసుకుపోయేది. ఇలా వీరిమధ్య అప్పుడప్పుడు గొడవలు కూడా చోటుచేసుకున్నాయి. ఈ నేపథ్యంలోనే వీరిద్దరి మధ్య ఆదివారం రాత్రి గొడవ జరిగింది. భార్య తీరులో ఏమాత్రం మార్పు రాకపోవడంతో తీవ్ర అసహనానికి గురయిన భర్త.. కత్తి తీసుకుని ఆమె గొంతు కోసి అక్కడి నుంచి పరారయ్యాడు.

సోమవారం ఉదయం స్థానికులు అందించిన సమాచారం మేరకు అక్కడికి చేరుకున్న పోలీసులు అన్ని పరిశీలించిన అనంతరం.. మృతదేమాన్ని ఆసుపత్రికి తరలించారు. అయితే భర్త కనిపించకపోవడంతో అనుమానం కలిగిన వారికి అతనికోసం వేటను మొదలుపెట్టారు. ఈక్రమంలోనే బంధువు ఇంట్లో తలదాచుకున్న సైమన్ ను పోలీసులు అరెస్ట్ చేశారు. మృతురాలి కుటుంబసభ్యులకు సమాచారం అందించి, దర్యాప్తును చేపట్టారు.