బాలాపూర్ లడ్డూ స్థానికుడికే దక్కింది

Posted: 09/08/2014 11:10 AM IST

Balapur laddu auctiion fetches at rs 9 50lakhs

ప్రతిష్టాత్మక బాలాపూర్ గణేషుడి లడ్డూ ఈ దఫా రికార్డు స్థాయి ధర పలికింది. ఆదివారం ఉదయం జరిగిన వేలంపాటలో లడ్డూను రూ.9.50 లక్షలు పలికింది. గ్రామానికే చెందిన సింగిరెడ్డి జై హింద్ రెడ్డి 9.50 లక్షలు పెట్టి లడ్డూ దక్కించుకున్నాడు. స్వామివారి ప్రసాదం దక్కించుకోవటం పట్ల జైహింద్ రెడ్డి సంతోషం వ్యక్తం చేశారు. స్వామి అండదండలు తమ కుటుంబానికి ఉండాలని కోరుకున్నట్లు చెప్పారు. వేలంపాటలో లడ్డూ కోసం చాలామంది ఇతర ప్రాంతాల నుంచి వచ్చారు. కార్యక్రమంలో మంత్రి జగదీష్ రెడ్డి పాల్గొన్నారు. ఈ వేలం ద్వారా వచ్చిన డబ్బును గ్రామాభివృద్ధి కోసం ఉపయోగించటం ఆనవాయితీగా వస్తోంది.

బాలాపూర్ లడ్డూ వేలంపాట ప్రస్థానం ముప్పై ఏళ్ళ క్రిందట మొదలయింది. తొలిసారి రూ.450తో మొదలైన లడ్డూ వేలంపాట ఏటేటా పెరుగుతూ వచ్చింది. 2001 సం.లో లక్ష పలికింది. ఆ తర్వాత ప్రతి ఏడూ పెరుగుతూ ఈ సారి రూ.9.50లక్షలకు చేరింది. ఈ లడ్డూను తీసుకెళ్లి పొలంలో చల్లితే లాభాలు వస్తాయని నమ్మకం. అందుకే లడ్డూను దక్కించుకునేందుకు దూర ప్రాంతాల నుంచి కూడా భక్తులు బాలాపూర్ కు వస్తారు.

కార్తిక్