ఊరెళ్తే ఇంట్లో ఎవరో ఉరేసుకున్నారు

Posted: 09/05/2014 08:50 AM IST

హైదరాబాద్ పాతబస్తిలోని ఓ కుటుంబం షాక్ లో ఉంది. ఊరెళ్ళి వచ్చే సరికి ఇంట్లో శవం కన్పించటంతో హడలిపోయారు. ఇదెక్కడి దారుణమంటూ.., పోలిసులకు ఫిర్యాదు చేశారు. ప్రస్తుతం చాదర్ ఘాట్ పోలిసులు ఈ కేసును ధర్యాప్తు చేస్తున్నారు. ఆజంపురాకు చెందిన ఖాలేద్ ఇంట్లో ఈ ఘటన జరిగింది. కుటుంబ సభ్యులతో కలిసి ఖాలేద్ ఈ మద్య ఊరెళ్ళాడు. బుధవారం రాత్రి ఇంటికి తిరిగి వచ్చారు. చూసే సరికి ఇంటి తాళం పగలగొట్టి ఉంది. దొంగతనం జరిగిందని భావించి అంతా ఆందోళన చెందారు.

బెడ్ రూం తలుపు తీసేందుకు ప్రయత్నించగా తెరుచుకోలేదు. దీంతో అనుమానం వచ్చిన ఖాలేద్ బెడ్ రూం కిటికీ అద్దాలు పగులగొట్టాడు. చూసే సరికి ఓ వ్యక్తి సీలింగ్ ఫ్యాన్ కు ఉరేసుకుని చనిపోయాడు. ఇది చూసిన కుటుంబ సభ్యులంతా ఒక్కసారిగా షాకయ్యారు. వెంటనే పోలిసులకు కంప్లయింట్ ఇవ్వగా.., ఘటనాస్థలానికి చేరుకున్న వారు మృతదేహాన్ని పోస్టుమార్టం కోసం తరలించారు. స్థానికంగా విచారించినా వ్యక్తి గురించి ఎలాంటి ఆదారాలు లభించకపోవటంతో ఆత్మహత్యగా కేసు నమోదు చేసుకున్నారు. ఇంతకీ ఆ వ్యక్తి ఎవరు, ఖాలేద్ ఇంట్లోకి వచ్చి ఎందుకు ఆత్మహత్య చేసుకున్నాడు. అతని మృతికి గల కారణాలేమిటి అనే విషయంపై పోలిసులు ధర్యాప్తు చేస్తున్నారు.

ఊరెళ్లి వచ్చే సరికి ఇంట్లో మృతదేహం కన్పించటంతో అప్పటినుంచి ఖాలేద్ కుటుంబం షాక్ నుంచి ఇంకా కోలుకోలేదు. తమ ఇంట్లోకి వచ్చి ఎందుకు ఆత్మహత్య చేసుకున్నాడు అని వారు తల పట్టుకుంటున్నారు. మరోవైపు మిగతా ఇళ్లవారు కూడా తాళ: వేసి బయటకు వెళ్లాలంటే ఏమవుతుందో అని భయపడుతున్నారు.

 

కార్తిక్