బట్టలు విప్పి బ్లాక్ మెయిల్ చేశారు

Posted: 08/30/2014 09:51 AM IST

Stripped and blackmailed a student in visvabharati university

ప్రపంచంలో పేరు ప్రఖ్యాతిలు ఉన్న విశ్వభారతి యునివర్సిటీ ఓ అపఖ్యాతిని మూటగట్టుకుంది. విశ్వకవి రవీంధ్రుడు పుట్టిన గడ్డపై నెలకొన్న ఈ యునివర్సిటీపై మాయని మచ్చ పడింది. ఓ విద్యార్ధినిని సీనియర్లు బట్టలు విప్పించి.., డబ్బుల కోసం బ్లాక్ మెయిల్ చేసిన ఉదంతం ఆలస్యంగా వెలుగులోకి వచ్చింది. పశ్చిమబెంగాల్ లోని శాంతి నికేతన్ లో విశ్వ భారతి యునివర్సిటీ ఉంది. ఇందులో చదువుతున్న ఓ ఫస్ట్ ఇయర్ విద్యార్థిని.., తనను సీనియర్లు బట్టలు విప్పించి ఫొటోలు తీశారని ఆరోపించింది. అంతేకాకుండా డబ్బులు ఇవ్వాలని లేకపోతే వాటిని ఇంటర్నెట్ లో పెడతామని బ్లాక్ మెయిల్ చేశారని చెప్పింది.

తనకు జరిగిన అవమానంపై.., యునివర్సిటీ అధికారులకు బాధితురాలు ఫిర్యాదు చేసింది. తన బట్టలు విప్పి.. ఫొటోలు తీసి, రూ.4వేల డబ్బులు ఇవ్వాలని బెదిరించినట్లు ఫిర్యాదులో తెలిపింది. మొత్తం ముగ్గురు సీనియర్లు తనను బ్లాక్ మెయిల్ చేశారని వెల్లడించింది. వీరిలో ఇద్దరు సెకండ్ ఇయర్ స్టూడెంట్స్ కాగా.., మరొకరు థర్డ్ ఇయర్ స్టూడెంట్ అని చెప్పింది. ఆగస్టు 8న ఈ ఘటన జరిగితే.., ఆగస్టు 26న బాధితురాలు ఫిర్యాదు చేసింది. అయితే తనతో అనుచితంగ ప్రవర్తించిన విద్యార్థులపై ఎలాంటి ఫిర్యాదు చేయలేదు.

అటు యునివర్సిటీ తన కూతురును అవమానించిందని బాదితురాలు తండ్రి ఆరోపించారు. దారుణానికి పాల్పడ్డ వారిపై చర్యలు తీసుకోకుండా.., పోలిసులకు చెప్పవద్దని వర్సిటీ అధికారులు కోరారని విమర్శించారు. అంతేకాకుండా నిందితులను వదిలిపెట్టి.., తమ కూతురుకు కొత్త బట్టలు కొనివ్వాలని గొప్ప తీర్పు చెప్పారని ఆవేదన వ్యక్తం చేశారు. తమను విశ్వభారతి యునివర్సిటి ఇంతలా అవమానిస్తుంది అనుకోలేదని తండ్రి, కూతురు అన్నారు. ఇంత అవమానం జరిగిన ఈ యునివర్సిటీలో ఇంక ఉండనని చెప్పి వెళ్ళి పోయింది, ఇప్పటివరకు తిరిగి రాలేదు. అటు ముగ్గరు విద్యార్థులపై ఎలాంటి ఫిర్యాదు చేయకపోయినా వారంతా పరారీలో ఉన్నట్లు తెలుస్తోంది. ర్యాగింగ్ చట్ట విరుద్ధం, నేరమని ప్రభుత్వాలు చెప్తున్నాయి. అయితే నిబంధనలను కఠినంగా అమలు చేసి అవగాహన కల్పిస్తే ఇలాంటి దారుణాలు జరగవు.

కార్తిక్