హోంమంత్రి రాజ్ నాధ్ కు అస్వస్థత

Posted: 08/14/2014 09:43 AM IST

కేంద్ర హోంమంత్రి, బీజేపి మాజి జాతీయ అధ్యక్షుడు రాజ్ నాధ్ సింగ్ అస్వస్థతకు గురయ్యారు. బుధవారం రోజు ఢిల్లీలోని ఎయిమ్స్ లో చేరారాయన. అకస్మాత్తుగా గత రాత్రి కడుపునొప్పి వచ్చింది. వెంటనే స్పందించిన సన్నిహితులు హోంమంత్రిని హుటాహుటిని అత్యాధునిక సౌకర్యాలుండే ఎయిమ్స్ ఆస్పత్రికి తరలించారు. హాస్పిటల్ లోని గ్యాస్ట్రో ఎంటరాలజీ విభాగం వైద్యులు హోంమంత్రికి చికిత్స చేశారు. పలు వైద్య పరీక్షలు కూడా నిర్వహించారు. కీలకమైన న్యాయమూర్తుల నియామక బిల్లుపై చర్చ కోసం ఇవాళ పార్లమెంటుకు ఆయన హాజరుకావాల్సి ఉంది. దీంతో వైద్య పరీక్షలన్ని గత రాత్రే పూర్తి చేశారు. అంతేకాదు ఉదయం సమయంలో అయితే సాధారణ ప్రజలకు ఇబ్బంది కలుగుతుందని ఉద్దేశ్యంతో రద్దీ తక్కువగా ఉండే రాత్రి సమయంలో పరీక్షలు చేసినట్లు తెలుస్తోంది.

ఉత్తరప్రదేశ్ కు చెందిన రాజ్ నాధ్ సింగ్ భారతీయ జనతా పార్టీలో అంచెలంచెలుగా ఎదిగారు. పార్టీలో రాష్ట్రస్థయిలో వివిధ పోస్టులను సమర్ధంగా నిర్వహించటంతో పాటు పార్టీ జాతీయ అధ్యక్షుడుగా కూడా బాద్యతలు నిర్వర్తించారు. ఈ ధఫా ఎన్నికల్లో బీజేపి గెలవటంతో.., ఎన్డీయే ప్రభుత్వంలో హోంమంత్రిగా ఉన్నారు.  కీలకమైన బిల్లులు రూపకల్పనలో మోడి రాజ్ నాధ్ సలహాలు తీసుకుంటారు. తెలంగాణ ప్రభుత్వం చేపడుతున్న సర్వేపై ఆయన దృష్టిపెట్టారు. సర్వే వివరాలు, సర్వే పత్రం, ఎందుకోసం చేస్తున్నారో సమగ్ర సమాచారం ఇవ్వాలని తెలంగాణ ప్రభుత్వాన్ని ఆదేశించారు. మత ఘర్షణలు జరుగుతుండే ఉత్తరప్రదేశ్ నుంచి వచ్చినప్పటికీ రాజ్ నాధ్ పై ఆ ముద్ర ప్రభావం అంతగా లేదనే చెప్పాలి.

కార్తిక్