పాక్ కు యుద్ధం చేతకా...!!

Posted: 08/12/2014 01:28 PM IST

దాయాది దేశం పాకిస్థాన్ పై ప్రదాని నరేంద్రమోడి తీవ్ర విమర్శలు చేశారు. ఆ దేశ ఆర్మీ చర్యలను కడిగి పారేశారు. కార్గిల్ యుద్ధం తర్వాత తొలి సారి అక్కడ పర్యటించిన మోడి పాకిస్థాన్ సైన్యం దుశ్చర్యలపై మండిపడ్డారు. ఇవాళ మోడి పర్యటన నేపథ్యంలో కాశ్మీర్లో ఉగ్రవాదులు రెచ్చిపోయారు. తీవ్రవాదుల దాడిలో ఆరుగురు బారత జవాన్లు గాయపడ్డారు. ఈ ఘటనతో మరింత అలర్టయిన సైన్యం భద్రతను కట్టుదిట్టం చేసింది. పర్యటన సందర్బంగా ప్రసంగించిన మోడి.., పాకిస్థాన్ కు యుద్ధం చేయటం చేతకాదన్నారు. అందుకే తరుచుగా కవ్వింపు చర్యలకు పాల్పడుతుందని విమర్శించారు. నేరగా ఢీ:కొట్టలేక దొంగదెబ్బతీస్తున్నారని దుయ్యబట్టారు.

ఇక ఉగ్రవాదంపై కూడా మోడి పాక్ ను వేలెత్తి చూపారు. పాకిస్థాన్ ఉగ్రవాదాన్ని ప్రోత్సహిస్తోందన్నారు. భారత్ పై దాడికి పాక్ లో వ్యూహ రచన జరుగుతున్నట్లు పలుమార్లు నిరూపితమైందన్నారు. పాక్ సైన్యం ఉగ్రవాదులకు సహకరిస్తూ భారత్ పై దాడి చేయిస్తోందని ద్వజమెత్తారు. పొరుగుదేశంతో మైత్రి కోరుకుంటున్నామని చెప్పే మోడి ఒక్కసారిగా సూటిగా విమర్శలు చేయటం ఇప్పుడిలా విమర్శలు చేయటం చర్చనీయాంశమవుతోంది. ఆర్ఎస్ఎస్ వ్యక్తిగా.., బీజేపీ నేతగా మోడి ఇలా మాట్లాడటం సబబే అనుకోవచ్చు. కాని ప్రధాని హోదాలో ఉండి ఇలా ప్రకటనలు చేయటంతో దీనిపై పాకిస్థాన్ ఎలా స్పందిస్తుందో చూడాలి.

కార్తిక్