మరణించిన ‘‘ఆపిల్’’ స్టీవ్ జాబ్స్ బతికే వున్నాడా..?

Posted: 08/09/2014 03:01 PM IST

ఐఫోన్, ఐప్యాడ్ వంటి సాంకేతిక పరికరాలను తయారుచేసే ప్రముఖ సంస్థ ‘‘ఆపిల్’’ సృష్టికర్త స్టీవ్ జాబ్స్ 2011 అక్టోబరులో క్యాన్సర్ వ్యాధితో మరణించిన విషయం తెలిసిందే! అయితే తాజాగా ‘‘ఆపిల్ సృష్టికర్త స్టీవ్ జాబ్స్ బతికే వున్నాడా..?’’ అనే ప్రశ్న ప్రపంచం మొత్తం మీద పెద్ద దుమారాన్ని రేపుతోంది. ‘‘ఇదేంటి.. మరణించిన వ్యక్తి ఎలా తిరగొస్తాడు..?’’ అంటూ అందరూ ఆందోళనల్లో మునిగిపోతే.. బ్రెజిల్ లో మాత్రం స్టీవ్ జబ్స్ బతికే వున్నాడంటూ వార్తలు వ్యాపిస్తున్నాయి. పైగా రెండు ఫోటోల ఆధారంగా మీడియా ఛానెల్ లో.. ‘‘ఇదిగో స్టీవ్ జాబ్స్ బతికేవున్నాడు’’ అంటూ ప్రసారం చేయడం పెద్ద సంచలనంగా మారింది.

దీంతో ‘‘స్టీవ్ జాబ్స్ బతికే వున్నాడా..?’’ అంటూ అందరూ ఆరాతీయడం మొదలైంది. ఈ విషయం మీద తీవ్రంగా పరిశోధించిన అనంతరం అసలు విషయం బయటపడింది. బ్రెజిల్ మీడియా ఛానెల్స్ లో ప్రసారం చేసిన ఆ రెండు ఫోటోలను పరిశీలించిన తరువాత ఆ వ్యక్తి స్టీవ్ జాబ్స్ కాదని తెలిసిందే. బ్రెజిల్ లోని రియో డీ జెనీరో నగరంలో ఒక వ్యక్తి సెల్ఫీ ఫోటోను తీసుకున్నాడు. ఆ ఫోటోలో అతని వెనకాల ఒక వీల్ ఛైర్ లో అచ్చం స్టీవ్ జాబ్స్ ను పోలీ వున్న వ్యక్తి కూడా క్యాప్చర్ అయ్యాడు. దీంతో ఆ వ్యక్తి స్టీవ్ జాబ్స్ బతికేవున్నాడంటూ ఆ ఫోటోలను రిలీజ్ చేశాడు. ఆ ఫోటోల కింద స్టీవ్ జాబ్స్ ఇన్ రియో డీ జెనీరో అనే క్యాప్షన్ రాసి.. మరణించిన స్టీవ్స్ బతికి వచ్చాడని అతను సోషల్ నెట్ వర్కింగ్ వెబ్ సైట్లలో రిలీజ్ చేశాడు. దీంతో మీడియా ఛానెల్స్ ఈ విషయాన్ని దుమారం చేశాయి.