రెడ్డిగారు పదవిలో ఉన్నప్పుడు ఏం చేశారు?

Posted: 07/14/2014 09:13 AM IST

Bjp leader haribabu fire on jaipal reddy

పోలవరం పై రెండు రాష్ట్రాల నాయకుల మద్య మాటల యుద్దం జరుగుతుంది. అయితే కేంద్రం మాత్రం పోలవరం బిల్లును పాస్ చేయటానికే సిద్దమయ్యింది. దీంతో తెలంగాణ రాష్ట్రంలోని అన్ని పార్టీల నేతలు పోలవరం బిల్లు పై మండిపడుతున్నారు. అలాంటి వారిలో.. కాంగ్రెస్ పార్టీ సీనియర్ నేత రాష్ట్ర విభజన సమయంలో కీలక పాత్ర పోషించిన తెలంగాణ నాయకుడు మాజీ మంత్రి జైపాల్ రెడ్డి పోలవరం బిల్లు పై విచిత్రమైన విమర్శలు చేసి అందరి ముందు నవ్వుల పాలయ్యాడు.

కాంగ్రెస్ ప్రభుత్వంలోనే రాష్ట్ర విభజన, పోలవరం పై నిర్ణయం తీసుకున్న విషయం జైపాల్ రెడ్డికి తెలిసినప్పటికి ఆయన మీడియా ముందు బిజేపి ప్రభుత్వాన్ని తప్పుబట్టడంతో ఆ పార్టీ నేతలు తీవ్రంగా మండిపడుతున్నారు. మాజీ కేంద్రమంత్రి జైపాల్‌రెడ్డి మంత్రిగా ఉన్నప్పుడే కాంగ్రెస్ ప్రభుత్వం పోలవరం బిల్లు రూపొందించిందని ఆంధ్రప్రదేశ్ బీజేపీ అధ్యక్షుడు హరిబాబు ధ్వజమెత్తారు.

పోలవరం బిల్లు లోక్‌సభలో ఆమోదం పొందడం రాజ్యాంగ విరుద్ధమని అంటున్న జైపాల్‌రెడ్డి పదవిలో ఉన్నప్పుడు ఏం చేశారని ప్రశ్నించారు. ఆర్టికల్ 3 ప్రకారం బిల్లు విరుద్ధమైతే రాష్ట్ర విభజన కూడా విరుద్ధమేనని ఆయన అన్నారు. లేనిపోని వివాదాలు చేస్తే ఇతర విషయాలు కూడా బయటకు వస్తాయని హరిబాబు హెచ్చరించారు.