నిధుల కోసం బాబు హైటెక్ స్కెచ్!

Posted: 07/07/2014 08:40 AM IST

Ap cm chandrababu special focus for get more funds from central

ఆంద్రప్రదేశ్ ముఖ్యమంత్రి నారా చంద్రబాబు నాయుడు.. నిధుల కోసం హైటెక్ స్కెట్ వేయటం జరిగింది. చంద్రబాబు అధ్యక్షతన జరిగిన ఏపీ ఎంపీల సమావేశంలో పలు సమస్యలపై, నిదుల పై సుదీర్ఘ చర్చ జరిగింది. అయితే చంద్రబాబు తో పాటు కాంగ్రెస్ నుంచి ఎంపీ సుబ్బిరామిరెడ్డి ఈ సమావేశంలో పాల్గొన్నారు. ఈ సమావేశానికి వైసీపీ ఎంపీలు బహుదూరంగా ఉన్నారు. ఈరోజు పార్లమెంట్ సమావేశాలు జరుగుతున్న నేపథ్యంలో ఆంద్రప్రదేశ్ కావాలసిన నిదుల పై ఏపీ ఎంపీలు అందరు కృషి చేయాలని బాబు చెప్పటం జరిగంది. కేంద్రం నుంచి అధిక నిధులు రాబట్టుకునేందుకు పార్టీలకతీతంగా అందరూ కృషి చేయాలని నిర్ణయించింది.

రాజకీయాలకు అతీతంగా రాష్ట్రాభివృద్ధికి కలిసి రావాలని అన్ని పార్టీల ఎంపీలను బాబు కోరారు. వాటి గురించి సంబంధిత మంత్రులతో మాట్లాడాలని ఎంపీలకు సూచించారు. మొత్తానికి ఒకవైపు కేంద్రంతో దోస్తీ చేస్తూనే మరోవైపు ప్రత్యర్థి పార్టీలతో అభివృద్ధిపై బాబు చర్చలు సాగిస్తున్నారు. ఎత్తులు, పైఎత్తులు వ్యూహప్రతివ్యూహాలతో ఏపీ సర్కార్ అప్రమత్తమైంది.

కేంద్రం నుంచి రాష్ట్రానికి నిధులు తీసుకురావడంపై ఎంపీలతో బాబు చర్చించారు. బడ్జెట్‌లో రాష్ట్రానికి కొత్త ప్రాజెక్టుల కోసం ఆంధ్రా సీఎం మంతనాలు సాగించారు. కేంద్రాన్ని కోరాల్సిన అంశాలపై ఆంధ్రప్రదేశ్ ప్రభుత్వం 35 ప్రతిపాదనలను సిద్ధం చేసింది. మరి హైటెక్ బాబు వ్యూహాలు ఫలించనున్నాయా ? కేంద్రం నుంచి ఆయన ఏమేరకు నిధులు రాబట్టుతారో చూద్దాం.