కెసిఆర్ ని వదిలి పెట్టం..?

Posted: 06/27/2014 01:18 PM IST

తెలంగాణ ముఖ్యమంత్రి కల్వకుంట్ల చంద్రశేఖరరావు ని ఎట్టి పరిస్థితుల్లో వదిలిపెట్టం అని గట్టిగా తెలంగాణ నేతలు చెబుతున్నారు. అయితే వారు పగతో చెబుతున్నారా? ప్రతీకారంతో చెబుతున్నారా? లేక ప్రేమతో చెబుతున్నారా? అనేది అర్థం కావటం లేదుగానీ.. మొత్తానికి .. ముఖ్యమంత్రి కేసిఆర్ పై వారు గట్టి నిర్ణయం తీసుకున్నారు. అసలు ఇంతకీ ఎవరు అంటారా? వారు తెలంగాణలోని నక్సలైట్లు మాత్రం కాదులేండి.

తెలంగాణ గడ్డపై పుట్టి.. పచ్చచొక్కలు వేసుకోవటం అలవాటు చేసుకున్న.. తెలంగాణ తెలుగుదేశం పార్టీ తమ్ముళ్లు. తెలంగాణ తెలుగుదేశం పార్టీ సీనియర్ లీడర్, పార్టీ శాసనసభా పక్ష నేత ఎర్రబెల్లి దయకార్ రావు.. సీఎం కేసిఆర్ ని వదిలిపెట్టం అని బల్లగుద్ది మరీ చెబుతున్నారు. అలా ఎందుకు చెబుతున్నారు అంటే దాకి ఒక కారణం ఉందని తెలంగాణ టిడిపి తమ్ముళ్లు అంటున్నారు.

కేసిఆర్ ఎన్నికల్లో ఇచ్చిన హామీలు నెరవేర్చకుంటే, నిలదీస్తామని ఎర్రబెల్లి స్పష్టం చేశారు. కొద్ది రోజులు ఆగితే ముఖ్యమంత్రి కెసిఆర్ చేసే మోసాలను ప్రజలు చూసే పరిస్థితి వస్తుందని ఎర్రబెల్లి చెప్పారు. తెలంగాణ ప్రజలు తెలుగుదేశం పార్టీ కోసం వేచి చూసే పరిస్థితి వస్తుందన్నారు. త్వరలో జరిగే గ్రేటర్ హైదరాబాద్ మునిసిపల్ ఎన్నికల్లో తమ పార్టీ ఘన విజయం సాధిస్తుందని ఎర్రబెల్లి ధీమా వ్యక్తం చేశారు. కాంగ్రెస్ పార్టీ, తెరాస కలిసే పోలవరం ఆర్డినెన్స్ తెచ్చాయని ఎర్రబెల్లి ఆరోపించారు. టిఆర్ఎస్ ప్రకటించిన ఎన్నికల మేనిఫెస్టోలో ఇచ్చిన హామీలు అమలు చేయక పోతే పోరాటతం తప్పదని ఎర్రబెల్లి హెచ్చరించారు.

తెలంగాణ ప్రజలకు కోసం అవసరమైతే.. సీఎం కేసిఆర్ ‘కారు’కు గాలి తీస్తామని ..తెలంగాణ టిడిపి దండు, గులాబీ సేనాను హెచ్చరించారు. ఈ రెండు పార్టీల వైరం ఎప్పుడు ఉంటుందని రాజకీయ నేతలు అంటున్నారు.