అనర్హత వేటు వేయండి: గీతారెడ్డి

Posted: 06/26/2014 04:22 PM IST

కాంగ్రెస్ పార్టీ సీనియర్ నేత, మాజీ మంత్రి గీతా రెడ్డి అనర్హత వేటు వేయండని .. డిమాండ్ చేస్తుంది. అంటే ఆమె పై కాదులేండి. ఇటీవల తెలంగాణ ముఖ్యమంత్రి కల్వకుంట్ల చంద్రశేఖరరావు ఆకర్షకు .. తెలంగాణ కాంగ్రెస్ నేతలు చాలా మంది గులాబీ కారు ఎక్కారు. దీంతో పార్టీలో ఉన్న కొంతమంది నేతలు.. గోల గోల చేస్తున్నారు. అలాంటి వారిలో గీతా రెడ్డి, డీకే అరుణ ఉన్నారు.

టీఆర్ఎస్ పార్టీలోకి వెళ్లిన అందరి పై అనర్హత వేటు వేయాలని .. సోనియమ్మకు గీతారెడి లేఖ రాయటం జరిగింది. ‘‘అంత అయిపోయిన తరువాత.. అరటాకు గురించి చాలా చెప్పిందట’’ అనే విధంగా గీతా రెడ్డి తీరు ఉందని టీఆర్ ఎస్ పార్టీలోకి చేరిన తెలంగాణ కాంగ్రెస్ నేతలు అంటున్నారు.

తెలంగాణ కాంగ్రెస్ నుంచి ఐదుగురు ఎమ్మెల్సీలు టీఆర్ఎస్ లోకి చేరిన సంగతి తెలిసిందే. ఈ క్రమంలో వారిపై అనర్హత వేటు వేయాలని టీ కాంగ్రెస్ నేతలు కోరుతున్నారు. గీతారెడ్డి మాట్లాడుతూ, పార్టీ మారిన ఎమ్మెల్యేలపై వేటు వేయాలని డిమాండ్ చేశారు. అభధ్రతా భావంతోనే టీఆర్ఎస్ వలసలను ప్రోత్సహిస్తోందని విమర్శించారు.

అటు పార్టీ ఎంపీ గుత్తా సుఖేందర్ రెడ్డి మాట్లాడుతూ, రాజకీయాల్లో మార్పులు, చేర్పులు సహజమన్నారు. ఒకే రోజు మూడు పార్టీలు మారినవారున్నారని చెప్పుకొచ్చారు. అయితే, రాజకీయ నాయకుల్లో స్థిరత్వం ఉండాలని, ప్రజలు అన్నింటినీ గమనిస్తూ ఉంటారని అన్నారు. పార్టీలు మారితే సదరు పార్టీకి సంఖ్యాబలం పెరుగుతుంది తప్ప ఒరిగేదేమి లేదన్నారు. మరో కాంగ్రెస్ ఎమ్మెల్యే జీవన్ రెడ్డి మాట్లాడుతూ, పార్టీ ఎమ్మెల్సీలు టీఆర్ఎస్ లో చేరడం బాధాకరమన్నారు.

అయిన చిల్లుపడిన గొడుకు కింద ఎలా నిల్చున్న తడవటం మాత్రం ఖాయం అని తెలిసిన తరువాత కూడా ఎవరైన ఆ గొడుకు ను ఒపెన్ చేస్తారా, వస్తారా, అందుకే మునిగిపోతున్న పడవ నుండి ప్రాణాలు ఎలా కాపాడుకుంటారో., ఇక్క తెలంగాణ కాంగ్రెస్ ఎమ్మెల్సీలు కూడా కారు ఎక్కి తమ రాజకీయ జీవితాన్ని కాపాడుకున్నారనే విమర్శలు గాంధీ భవన్ లో వినిపిస్తున్నాయి.