మోడీ గారు మా కోసం కొంచెం కష్టపడండి?

Posted: 06/24/2014 07:30 AM IST

భారత దేశ ప్రధాని నరేంద్ర మోడీ గురించి అందరికి తెలుసు. ఆయన ఛాయ్ వాలా నుండి.. ఈ స్థాయికి ఎదిగిన విషయం తెలిసిందే. అయితే అయితే మోడీ ప్రధాని అయితే మా జీవితాలు బాగుపడతాయిని దేశంలోని ప్రతి ఒక్కరు మనస్సు పూర్తిగా ..నమో మంత్రం జంపించారు. అయితే అధికారం చేపట్టి నెలరోజులు కాకముందే..మోడీ దేశ ప్రజలపై వాతలు పెట్టిన విషయం తెలిసిందే.

అయితే మోడీ సర్కార్ దేశంలోని మహిళలకు పెద్ద పీఠ వేచిన విషయం తెలిసిందే. నరేంద్ర మోడీ మహిళ పట్ల భక్తి శ్రద్దలు చూపిస్తాడని ..ఆయన సన్నిహితులు చెబుతున్నారు. దీనికి ఉదాహరణ ఆయన తల్లిని ఎలా ప్రేమిస్తాడో అందరికి తెలుసు. అందుకే మోడి గారికి ముందుకు ఒక ప్రాతిపదన వచ్చింది. మోడీ గారు మా కోసం కొంచెం కష్టపడండని.. వితంతువులు విజ్ఞప్తి చేస్తున్నారు.

అంతర్జాతీయత వితంతువుల దినోత్సవం సందర్భంగా ప్రధాని నరేంద్ర మోదీ తమ గోడును పట్టించుకోవాలని కోరారు. అనేక ఇబ్బందుల మధ్య రోజుగడవడమే గగనమవుతోందని 80 ఏళ్ల మనూ ఘోష్ ఆవేదన వ్యక్తం చేశారు. ప్రధాని మోదీ తమ బాధలు అర్థం చేసుకుని ఆదుకోవాలని అభ్యర్థించారు.వచ్చే పార్లమెంటు సమావేశాల్లో తమ సంక్షేమానికి ఓ బిల్లు ప్రవేశపెట్టాలని బృందావనం, వారణాసికి చెందిన వితంతువులు విజ్ఞప్తి చేశారు.

మీరా సహభాగ్ని మహిళా ఆశ్రమంలో ఉంటున్న ఘోష్ 45 ఏళ్ల వయసులోనే భర్తను కోల్పోయింది. కొడుకులు, కూతుర్లు రెక్కలొచ్చి ఎగిరిపోయారు. తల్లి బాగోగులు పట్టించుకోవడం మానేశారు. వారెక్కడుందీ సమాచారమే లేదని ఘోష్ వాపోయారు. ఇలాంటి వారు దేశంలో చాలా మంది ఉన్నారు. మాకోసం ప్రత్యేక బిల్లు తీసుకురావాలని వితంతువులు మోడీని వేడుకున్నారు. కానీ ఇప్పటి వరకు మహిళ బిల్లే పాస్ కాలేదు. ఇక వీరి గురించి ప్రత్యేక బిల్లు ఉంటుందా అని కొంత రాజకీయ నేతలు పెదవిరుస్తున్నారు. అయినా మోడీ తలచుకుంటే చాలా సింపుల్ గా అయిపోతుందని కొంతమంది వితంతువులకు మద్దతు తెలుపుతున్నారు.

RS