ఉన్నమాట అంటే అంత ఉలుకెందుకో...

Posted: 06/18/2014 03:57 PM IST

Not to join any political party says kushboo

హాట్ అండ్ సెక్సీ బ్యూటీ గా సినీ జనాలకు పరిచయం అయిన కుష్బూ రాజకీయ నాయకురాలిగా కూడా తమిళనాట డీఎంకె పార్టీలో ఓ వెలుగు వెలిగిన విషయం తెలిసిందే. చాలా కాలం పాటు ఆ పార్టీలో కొనసాగిన ఈమె ఇటీవలే ఆ పార్టీకి గుడ్ బై చెప్పి బయటకు వచ్చేసింది. ఈమె బయటకు రావడానికి ఆ పార్టీ నేత కరుణానిధి కొడుకు స్టాలిన్ తో పడకనే బయటకు వచ్చిందనే వార్త బలంగా వినిస్తుంది. చాలా కాలం నుండి వీరిద్దరికి విభేధాలు ఉన్నాయనే వార్తలు కూడా ప్రచారంలో ఉన్నా, ఎన్నికల ముందు అవి సమసిపోయాయని అన్నారు.

ఇటీవల జరిగిన ఎన్నికల్లో టిక్కెట్ పై గంపెడంత ఆశ పెట్టుకున్న కుష్బూ అది రాకపోవడంతో తీవ్ర మనస్ధాపం చెందే బయటకు వచ్చిందని అంటున్నారు. పార్టీకి గుడ్ బై చెప్పిన ఈమె బీజేపీలో చేరబోతుందనే వార్తలు కూడా ఊపందుకున్నాయి. దీనికి అనేక కారణాలు కూడా చెబుతున్నారు. ఈమెకు విదేశీ వ్యవహారాల శాఖ కేంద్రమంత్రి సుష్మా స్వరాజ్ తో మంచి సంబంధాలు ఉండటమే కాకుండా, ఇటీవల ఆమె ఘన విషయం సాధించి, మంత్రిగా బాధ్యతలు స్వీకరించిన తరువాత అభినందనలు తెలపడం కూడా బీజేపీలో చేరే ప్రయత్నంలో భాగమే అని, అదీ కాకుండా మంత్రి స్మృతి ఇరానీ విద్యార్హతప్పుడు కాంగ్రెస్ నేతలు చేసిన వ్యాఖ్యల్ని ఖండించడంతో ఈమె బీజేపీలో చేరడం ఖాయం అని తమిళ మీడియా గోల చేసింది.

ఏదో అలా అన్నారో లేదో మీడియా పై కస్సు బస్సుమంటూ అంతెత్తు లేచింది. నేను ఏ పార్టీలో చేరడం లేదని, ప్రస్తుతానికి చేరే ఉద్దేశ్యం లేదని,.నాపై ఇష్టం వచ్చినట్లు వార్తలు రాయడం ఏంటని తన నోటికి వచ్చినట్లు తిడుతుంది. ఈమె మాటలు విన్న తమిళ మీడియా బెంబేలెత్తి పోవడమే కాకుండా, ఎలాగు ఖాళీగా ఉంది కదా అని, ఏదో బీజేపీ పార్టీలో చేరుతుందని రాసినంత మాత్రానా అంతెత్తు ఎగరాలా ? ఉన్నమాట అంటే అంత ఉలుకెందుకో... అని అనుకుంటున్నారు.

knr