టీడీపీకి షాక్ : ఎమ్మెల్యే తంగిరాల హఠాన్మరణం

Posted: 06/16/2014 07:58 AM IST

Nandigama mla tangirala prabhakara rao died

టీడీపీ పార్టీకి పెద్ద దెబ్బ తగిలింది. ఇప్పటికే పలు ప్రమాదాల్లో కీలక నేతల్ని కోల్పోయిన ఆ పార్టీ ఇప్పుడు మరో నేతని కోల్పోయింది. కృష్ణాజిల్లా నందిగామ నియోజక వర్గ టీడీపీ ఎమ్మెల్యే అయిన తంగిరాల ప్రభాకర రావు (64) గుండెపోటుతో ఆకస్మిక మరణం చెందారు. ఆదివారం 11.30లకు గుండెపోటు రావడంతో కుటుంబ సభ్యులు మదర్‌థెరిస్సా ఆస్పత్రికి తరలించారు. అయినా లాభం లేకపోయింది. ఆయన అర్థరాత్రి 12 దాటిన తరువాత మృతి చెందారు. .టీడీపీ ప్రారంభం నుంచి ఆ పార్టీలో కొనసాగుతున్న ప్రభాకర్ 2009లో తొలిసారిగా నందిగామ ఎస్సీ నియోజకవర్గం నుంచి ఎమ్మెల్యేగా ఎన్నికయ్యారు.

ఇటీవల జరిగిన సార్వత్రిక ఎన్నికల్లో రెండోసారి అదే నియోజకవర్గం నుంచి గెలుపొందారు. కంచికచర్ల మండలం పరిటాలకు చెందిన ఆయన న్యాయవాద వృత్తి నుంచి రాజకీయాల్లోకి వచ్చారు. అంతకుముందు వీరులపాడు జెడ్పీటీసీగా, ఎంపీపీగా పనిచేశారు. కుమారుడు, ఇద్దరు కుమార్తెలు ఉన్నారు. భార్య గతంలోనే మరణించింది. ఆదివారం ఉదయమే ఆయన మంత్రి దేవినేని ఉమామహేశ్వరావుతో కలసి పులిచింతల ప్రాజెక్టును సందర్శించారు. ఇంతలోనే ఆయన గుండెపోటుతో మరణించాడనే వార్తను టీడీపీ శ్రేణులు నమ్మలేక పోతున్నారు. ఈ

యన బౌతిక ఖాయాన్ని ప్రజల సందర్శనార్థం స్టానిక కేవీర్ కళాశాల ఆవరణలో ఉంచారు. తన అభిమాన నాయకుడ్ని చూడటానికి ప్రజలు పెద్ద ఎత్తున తరలివస్తున్నారు. నిజాయితీ పరుడుగా, వివాదరహితుడిగా పేరు తెచ్చుకున్న తంగిరాల మరణాన్ని మంత్రి దేవినేని ఉమా, ఎమ్మెల్యే శ్రీరాం తాతయ్య జీర్ణించుకోక పోతున్నారు. ఆయన భౌతిక ఖాయానికి నివాళలు అర్పించి సంతాపాన్ని తెలియజేశారు. తంగిరాల మృతి పై చంద్రబాబు తీవ్ర దిగ్బాంతిని వ్యక్తం చేశాడు. ఆయన భౌతిక ఖాయానికి నివాళలు అర్పించేందుకు నందిగామ బయలుదేరి వెళ్ళనున్నారు.