బాబు నేను రాలేను: మోడీ

Posted: 06/06/2014 08:28 AM IST

ఆంధ్రప్రదేశ్ రాష్ట్ర ముఖ్యమంత్రిగా నారా చంద్రబాబు నాయుడు ప్రమాణ స్వీకారోత్సవానికి హాజరు కావడానికి ప్రధాని నరేంద్ర మోడీ నిరాసక్తత వ్యక్తం చేశారని సమాచారం. ప్రస్తుతం తొలి పార్లమెంట్ సమావేశాలు జరుగుతున్న నేపథ్యంలో ప్రమాణ స్వీకారానికి రాలేనని ప్రధానమంత్రి కార్యాలయం, తెదేపా నేతలకు సందేశం పంపినట్లు అధికార వర్గాల కథనం.

కానీ బిజెపి తెలంగాణ శాఖ నాయకులు మాత్రం, చంద్రబాబు ప్రమాణ స్వీకారానికి దూరంగా ఉండాలని ప్రధాని నరేంద్ర మోడీని కోరినట్లు సమాచారం.

చంద్రబాబు నాయుడు ప్రమాణ స్వీకారానికి హాజరైతే, సీమాంధ్రకే మద్దతునిస్తున్నట్లు తెలంగాణ ప్రజలకు తప్పుడు సంకేతాలిచ్చినట్లవుతుందని బిజెపి తెలంగాణ శాఖ నేతలు ఆయన దృష్టికి తెచ్చారని తెలుస్తోంది.

కొత్తగా ఏర్పాటైన తెలంగాణ రాష్ట్ర అభివృద్ధి విషయమై మోడీ, తప్పుడు సంకేతాలిచ్చినట్లవుతుందని బిజెపి నేతలు చెప్పినట్లు విశ్వసనీయంగా తెలిసింది. అయితే మోడీ ఈ విషయం పై ఎలాంటి ప్రకటన చేయలేదు. కానీ బాబు నేను రాలేను అని ట్విట్టర్ చెప్పే అవకాశం ఉందని బిజేపి నేతలు అంటున్నారు.