కేజ్రీవాల్ కు అన్న హజారే వార్నింగ్?

Posted: 05/26/2014 03:06 PM IST

దేశంలో ప్రతి ఒక్కరూ న్యాయ వ్యవస్థను గౌరవించాలని..సామాన్యుకైనా, ఉన్నత స్థానంలో ఉన్న వ్యక్తులకైనా ఒకే చట్టం వర్తిస్తుందని' అన్నా హజారే పేర్కొన్నారు. బెయిల్ కోసం బాండు సమర్పించనని, మొండిగా వ్యవహరించటం సరికాదంటూ ఒకప్పటి తన సహచరుడు, ఆప్ వ్యవస్థాపకుడు అరవింద్ కేజ్రీవాల్ను పరోక్షంగా తప్పుబట్టారు.

తనకు వ్యతిరేకంగా తప్పుడు ఫిర్యాదు ఇచ్చారని భావిస్తే, ఆవిషయాన్ని కూడా కోర్టులోనే తేల్చుకోవాల్సి ఉంటుందని గుర్తు చేశారు. బెయిలు అవకాశాన్ని నిరాకరిస్తూ జైలుకే పరిమితం అవ్వాలని అరవింద కేజ్రీవాల్ భావిస్తే..అది ఆమ్ ఆద్మీ పార్టీకి తీరని నష్టాన్ని కలిగిస్తుందని అన్నారు.

జైలుకు వెళ్లిన తమ నాయకునికి మద్దతుగా కొందరు కార్యకర్తలు జైలు ఆవరణం వద్ద ధర్నా చేస్తున్నారని..అసలు పోరాటం ఎవరిపైన చేస్తున్నారో తెలుసుకోవాలంటూ'' ఆప్ కార్యకర్తలకు హజారే సుతిమెత్తగా వార్నింగ్ ఇవ్వటం జరిగింది.